Ақсақалдар қауымы үшін бұл бастамалардың мәні зор. Өйткені ұлттың тұтастығы мен тәрбиесі – үлкендердің өнегесі мен ақыл-парасаты арқылы қалыптасады. Аға буынның өмірлік тәжірибесі мен даналығы жас ұрпаққа әрдайым бағыт-бағдар болып келеді. Бүгінде ел ішіндегі татулықты нығайту, жастарды еңбекқорлыққа, отансүйгіштікке, адамгершілікке тәрбиелеу – баршамызға ортақ міндет. Құрылтайда көтерілген бастамалар осы мақсаттарға жетудің нақты жолын көрсетіп отыр. Ақсақалдар кеңесі алдағы уақытта да қоғамдағы бірлік пен келісімді нығайтуға, ұлттық салт-дәстүрді дәріптеуге, отбасы құндылықтарын насихаттауға және жастар тәрбиесіне өз үлесін қоса береді. Ел болашағы үшін қолға алынған игі бастамалар ел игілігіне қызмет етіп, Қазақстанның өсіп-өркендеуіне серпін береді деп сенеміз.
Бөкен Қабиұлы
Кербұлақ аудандық Ақсақалдар кеңесінің төрағасы