Бұл туралы ҚР Мемлекеттік қызмет істері агентігінің Алматы облысы бойынша департамент басшысының м.а Асхат Такебаев брифинг барысында айтты.
Спикердің айтуынша іріктеу талаптары жасы 35-тен аспаған, жоғары білімі және 5 жыл жалпы жұмыс тәжірибесі бар, мемлекеттік тілді меңгерген ҚР азаматы қатыса алады.
Баспасөз- мәслихаты барысында қатысушылар 6 негізгі сала бойынша 6 кезеңненен өту міндетті екені айтылды.
Атап айтсақ, резервке іріктеуге қатысу үшін кандидаттар құжаттар қабылдануынан өту қажет және де мәтіндік және сандық ақпаратпен жұмыс істеу қабілетін бағалаудан, ситуациялық тапсырмаларды шешу, ассессмент-орталығы мен құзыреттер бойынша сұхбаттан,сарапшылық комиссиясында кандидаттармен әңгімелесуден.
Сондай-ақ, биыл үміткерлер ұлттық комиссия сұхбатынан өтеді.
“Мемлекет басшысының тапсырмасы бойынша Президенттік жастар кадр резервіне іріктеу екі жылда бір рет өтеді.
2019 және 2021 жылдары резервке алынған 350 адамның 264-і мемлекеттік органдарда жұмыс істейді. Ал Алматы облысында 2019 жылдың көрсеткіші бойынша 800 адам өтінім берсе, оның 3-і резрвке өтіп, қазіргі таңда қызмет атқаруда. Негізі Президенттің кадрлық резервіне қабілеті жеткен кез келген жастың ілігу мүмкіндігі бар,-дейді Асхат Такебаев.
Брифинг соңында спикер жастарды іріктеуге белсенді қатысуға шақырып, кәсіби мемлекеттік қызметшілердің жаңа легін қалыптастыру маңыздылығына тоқталды.
Айта кетейік, резервке іріктеуге қатысу үшін кандидаттардың құжаттарын қабылдау 2023 жылдың 1-30 қыркүйегі аралығында pkrezerv.gov.kz арнайы ақпараттық жүйесінде және онлайн режимде жүзеге асырылады.