Ұлттық құрылтай – елдің тағдырына қатысты өзекті мәселелерді талқылайтын, қоғам мен мемлекетті байланыстыратын маңызды диалог алаңы. Оның құрамына зиялы қауым өкілдері, қоғам қайраткерлері, ғалымдар, жастар, кәсіпкерлер мен түрлі саланың мамандары енген. Құрылтайда көтерілетін мәселелер тек саяси реформалармен шектелмейді. Білім, мәдениет, ұлттық құндылықтар, жастар тәрбиесі, өңірлерді дамыту, әлеуметтік саясат, заң үстемдігі, азаматтық қоғамды нығайту сияқты бағыттар да кеңінен қарастырылады.
Мемлекет басшысы Ұлттық құрылтайдың әр отырысында елдің дамуы халықтың пікірін ескеру арқылы жүзеге асуы тиіс екенін ерекше атап келеді. Сондықтан бұл алаң халықтың үні билікке жететін, маңызды ұсыныстар мен бастамалар ортаға салынатын тиімді институтқа айналып отыр.
ҚОҒАМДЫҚ КЕЛІСІМ МЕН АЗАМАТТЫҚ ЖАУАПКЕРШІЛІК – ЕЛ ДАМУЫНЫҢ БАСТЫ ТІРЕГІ
