«Менің өмірлік сабағым» тақырыбында «Әділет» партиясы Әйелдер қанатының мүшесі, ардагер ұстаз Л. Толыбаева жас мамандармен және мектеп оқушыларымен кездесіп, ашық диалог өткізді.
Еркін пікір алмасу барысында ардагер ұстаз өзінің өмірлік тәжірибесімен бөлісіп, ұстаздық жолдағы маңызды сабақтар, мамандыққа адалдық, еңбекқорлық және адамгершілік құндылықтар туралы ой қозғады.
Кездесуге қатысушылар өздерін қызықтырған сұрақтарын қойып, білім беру саласы, мамандық таңдау, жастардың болашағы және қоғамдағы белсенділік туралы пікір алмасты.
Мұндай ашық алаңдар жас ұрпаққа өмірлік тәжірибеден тағылым алып, өз мақсатын айқындауға мүмкіндік береді.
«Әділет» партиясы Әйелдер қанаты ұрпақтар сабақтастығын нығайтып, жастардың дамуына бағытталған бастамаларды қолдайды.