«Сөз бостандығы Конституция преамбуласының жаңа редакциясында жарияланған құқықтың үстемдігі мен «Заң мен Тәртіп» қағидатын сақтаудың рәсімдік шартына айналады», – деді ол.
«Әділ сөз» қорының президенті сөз бостандығын қорғаумен қатар Конституцияның жаңа редакциясы шығармашылық еркіндікті де қорғайтынын және бұл ұғымдарды ғылыми, техникалық және көркем шығармашылықтың барлық түрлерін қамти отырып кеңейтетінін атап өтті.
«Бұл кепілдіктер зияткерлік меншікті қорғаумен қатар жүруі тиіс. Бұл әсіресе цифрлық дәуірде аса маңызды», – деді Қарлығаш Жаманқұлова.
Оның айтуынша, азаматтарға ақпарат алу және тарату құқығы беріледі, алайда бұл құқық басқа адамдардың құқықтары мен қадір-қасиетіне, қоғамдық мораль мен қоғамдық тәртіпке нұқсан келтірілмеуі тиіс.
«Мұндай шектеулер Конституция мен халықаралық құқықта танылған мақсаттар үшін ғана жол беріледі, яғни бұлыңғыр әрі екіұшты түсіндірмесіз. Цензураға тыйым салынатынын ерекше атап өткім келеді», – деді ол.
Сондай-ақ, Қарлығаш Жаманқұлова Конституцияда қоғамның рухани-адамгершілік құндылықтарына қатысты ұғымдардың бекітілуі туралы пікір білдірді. Оның айтуынша, әңгіме тек заңдарда тікелей бекітілген нысандар жайында болуы тиіс. Бұл құқықтық белгісіздіктің алдын алуға мүмкіндік береді.
«Сөз бостандығын, ой мен шығармашылық еркіндікті Конституция деңгейінде кепілдендірілген түрде қамтамасыз ету қазақстандық қоғамның өркендеуінің берік негізі», – деді ол.