Президент Қасым-Жомарт Тоқаевтың мәлімдемесі — оқу-ағарту және мемлекеттік басқару жүйесін түбегейлі жаңғыртуға бағытталған айқын қадам. Бұл — Президент Жолдауларындағы цифрландыру мен реформалар стратегиясының заңды жалғасы.
Білім саласындағы басты мәселе — «цифрлық бюрократия». Қағазбастылықтың орнын жүздеген платформалар басты, бұл мұғалімді негізгі миссиясынан — сапалы білім беруден алшақтатады. Сондай-ақ, мектептегі келеңсіздіктерде мұғалімге қысым жасамай, отбасы, оқушы, мектеп және ұстаздың жауапкершілігін тең қарау қажет. Жүйе мұғалімді қорғауға және оның жұмысын жеңілдетуге тиіс.
Мемлекеттік басқаруда ЖИ (жасанды интеллект) арқылы қайталама міндеттер мен артық процедураларды жою тапсырылды. Мемлекеттік қызметші заманауи білікті, Конституция мен халқына адал болуы керек. Президент Әкімшілігі 2027 жылдың 1 маусымына дейін мемлекеттік басқару реформасының кешенді жоспарын ұсынуы тиіс.
Сарапшы ретінде айтарым: бұл жерде ең бастысы — «көзбояушылыққа» жол бермеу. Тиімсіз жүйені қайта қарамай тұрып ЖИ енгізсек, тек «автоматтандырылған бюрократияға» тап боламыз. Мұғалім сапалы білім беруге, ал мемлекеттік аппарат тиімді қызмет етуге көшкенде ғана реформа нақты нәтиже береді.
