Аудан әкімі еңбек ұжымымен кездесті
Бүгін аудан әкімі Жанат Төлегенұлы Жүнісбеков «Таза Су» ЖШС еңбек ұжымымен кездесу өткізді. Кездесу барысында кәсіпорынның қазіргі қызметі, атқарылып жатқан жұмыстар және алдағы жоспарлары туралы кеңінен әңгіме қозғалды.
Жиын барысында кәсіпорын қызметкерлері өздерін толғандырып жүрген бірқатар өзекті мәселелерді көтеріп, ұсыныс-пікірлерін білдірді. Аудан басшысы еңбек ұжымының ой-пікірлерін мұқият тыңдап, көтерілген мәселелер бойынша өз көзқарасын айтып, бірқатар маңызды бағыттар жөнінде ой алмасты. Сонымен қатар алдағы уақытта атқарылатын жұмыстар мен жоспарлар туралы да сөз болды.
Кездесу ашық әрі еркін форматта өтіп, қызметкерлер өз сауалдарын қойып, нақты жауаптар алды. Мұндай кездесулер жергілікті билік пен еңбек ұжымдары арасындағы байланысты нығайтып, ортақ мәселелерді бірлесіп шешуге мүмкіндік береді.
Жиын соңында аудан әкімі кәсіпорын ұжымының еңбегіне алғыс білдіріп, халыққа сапалы қызмет көрсету бағытындағы жұмыстарды одан әрі жетілдіру маңызды екенін атап өтті.