Цифрлық даму, инновациялар және аэроғарыш өнеркәсібі министрлігінің деректері бойынша 2021 жылғы 10 маусым мен 23 қыркүйек аралығындағында Алматы облысысында 3433 адамның санитариялық-карантиндік режимді бұзғаны анықталды. Оның ішінде, «қызыл» мәртебесі бар 2563 және «сары» мәртебесі бар 870 тұлға тіркелді.
— «Қызыл» мәртебесі бар тұлғаларға қатысты 4 331 745 теңге сомасына 99 айыппұл салынды. Сондай-ақ, «сары» мәртебесі бар азаматтарға қатысты үй карантині шарттарын сақтау қажеттілігі туралы талаптары бар 320 қаулы берілді»,-дейді Алматы облысы санитарлық-эпидемиологиялық бақылау департаментінің баспасөз-хатшысы Алия Шагиахмет.
Айта кетейік, соңғы тәулікте аймақта короновирустық инфекцияның 256 жағдайы тіркелді, өсу қарқыны — 0,5%. КВИ анықталған 256 жағдайының 48-і 14 жасқа дейінгі балалар , оқушылар арасында 46, студенттер арасында 10 және мұғалімдер арасында 14 жағдай тіркелген.