Сол сәттен бастап-ақ егеменді Қазақстан өзіндік көзқарасы бар жеке мемлекет ретінде таныла бастады.
Қабылданған декларация Қазақстанның болашақ тәуелсіздігінің іргетасы болып саналды. Бұл декларацияның қабылдануымен халықаралық қатынастардағы дербестігі, мемлекеттік рәміздеріміз бекітіліп, ұлттық валютамыз дүниеге келді.
Осы жылдар аралығында еліміз бүкіл елге танылды. Экономикасы қарыштап дамып, еліміздің жағдайы жақсара түсті. Болашақ жастардың қолында. Жалындаған жастарымыз білімді, өз істерінің білгірлері.
Тоқырау жылдары мен қазіргі уақыттағы ауыл, қалалардың жағдайын салыстыру мүмкін емес. Ауылдар газдандырылып, жолдарға асфальт төселді. Көшелерге жарықтар орнатылып, ауызсумен қамтамасыз етілуде.
Алпауыт елдердің қатарынан қалмай, әрдайым алға жылжып, биіктерден көріне берейік. 25-қазақ Республика күні құтты болсын!
Гүлзира Акимкожанова, Аралтөбе негізгі мектебі