Елбасымыз көктемнің алғашқы айы – наурыз айының
бесінші жұлдызында «Президенттің бес әлеуметтік
бастамасы» атты халыққа Үндеу жариялағанын баршамыз
білеміз. Бұл бастаманың барша қазақстандықтарды қуантқаны
шындық. Оның: «Әрбір отбасына баспана алудың жаңа
мүмкіндіктерін беру», «Жалақысы төмен жұмысшылардың
еңбекақысын көбейту үшін олардың салық жүктемесін азайту»,
«Жоғары білім алудың қолжетімділігі мен сапасын арттырып,
студент жастардың жатақханадағы жағдайын жақсарту»,
«Шағын несие беруді көбейту», «Елді газбен қамтамасыз етуді
жалғастыру» атты бес әлеуметтік бастамасы елдің көңілінен
шығып, жаңа серпін бергендей болды.
Ел қолдаған Елбасының сара саясатының арқасында ата-бабаларымыздың аңсаған арманына қол
жеткіздік. Енді озық отыз елдің қатарынан көріну үшін жаңарып, өзгеріп келеміз. Елін бастаған, елі қолдаған
Елбасымыздың бұл бастамасы еліміздің, жеріміздің өсіп-өркендеуі жолында өзінің зор үлесін қосады
деген ойдамын. «Ынтымақ түбі – игілік», «Ауызбірлікті ел – мықты ел» дегендей, татулығымыз жарасып,
ынтымағымыз арта берсін!
Лаура ҚАСЕНОВА,
тәрбиеші, Доланалы негізгі мектебі МДШО.
Қазақстандықтарды қуантқан бастама
