Ұстаздарға рухани бағыт берді

_{Ұстаздарға рухани бағыт берді}

_{Республикасының Президенті Қасым-Жомарт Тоқаевтың Абайдың 175 жылдығына орай, «Абай және ХХІ ғасырдағы Қазақстан» атты мақаласы жарияланғаны баршамызға мәлім.  «Ұлттық болмыстың үлгісі», «Мемлекет ісінің мүдделері», «Әлемдік мәдениеттің тұлғасы», «Торқалы тойдың тағылымы» атты бөлімдерден тұратын мақаланың орны бөлек. Абай Құнанбайұлы — ғұлама ақын, ойшыл, ағартушы, аудармашы, композитор ретінде танылған бірегей тұлға. Қазақтың даналығын, мәдениетін, ұлттық болмысын, ұлы қасиетін бүкіл әлем Абай арқылы танығандығы шындық.}

_{Ұлы ақынның шығармалары бүгін де мәні мен маңызын жойған жоқ. Оның мұрасының бізге берер пайдасы орасан зор. Елбасы Н.Назарбаевтың «Болашаққа бағдар: рухани жаңғыру» атты мақаласында рухани сананы жаңғырту керектігі айтылды. Олай болса, ұлы ақынның мұралары бізге қашанда рухани азық болатынын айтқым келеді.}

_{Президентіміз Қасым-Жомарт Кемелұлы Тоқаев ұлы Абайдың ғылым мен білімге құштар болғанын тілге тиек ете отырып, болашағымыз — жастарды ізденуге шақырды.  Президенттің А.Құнанбайұлының 175 жылдық мерейтойын жас ұрпақтың тағылым алатындай етіп өткізуді тапсыруы – ұстаздарға үлкен жауапкершілікті жүктейді.}

_{А.Қасенова,}

_{Тастыөзек орта мектебінің мұғалімі.}