Еңбекшіқазақ ауданында 60 пәтерлік тұрғын үй қолданысқа беріледі

Еңбекшіқазақ ауданында 60 пәтерлік тұрғын үй қолданысқа беріледі

Үстіміздегі 2019 жылдың 9 айында Алматы облысы Еңбекшіқазақ ауданындағы жалпы өндірілген ауылшаруашылық өнім құны 79 млрд.теңгеден асып, нақты көрсеткіш өткен жылдың ұқсас мезгілімен салыстырғанда 122,1 пайызға артық орындалған. Бұл туралы облыс орталығы Талдықорғанда «Еңбекшіқазақ ауданының әлеуметтік-экономикалық дамуы» тақырыбында өткен баспасөз мәслихатында жария етілді.

Аудан әкімі Бинәлі Әбдіқапасұлының айтуынша ауылшаруашылықтың барлық саласы бойынша негізгі көрсеткіштерінің өсу динамикасы негізінен қамтамасыз етілген. Ет, сүт, жұмыртқаны өндірудің өсуі байқалады. Мал саны мен барлық дақылдардың көрсеткіштері айтарлықтай өсті. Ауданның мақтауға тұрарлық іс – алма бақтарының жандануы. Егер 2012 жылы алма мен жүзім бақтарының көлемі 3271 гектарды құраса, 2019 жылы, 6 жыл ішінде бұл көрсеткіш 10,5 мың гектардан асқан. Алмалар қазақстандық нарыққа ғана емес, Рессей, Қытай, Моңғолия және Бірікен Араб Әмірліктеріне де экспортқа шығарылуда. Бұл елдерде алмамыздың сапасы мен бірегей дәмі бағалануда.

Ауданға тартылған негізгі инвестициялар көлемі 2019 жылдың 1 қазанына 27 млрд. 953 млн. теңгені құрап, былтырғы жылдың сәйкес кезеңімен салыстырғанда 526 млн. теңгеге көтерілген. «Өңірлерді дамыту» бағдарламасы аясында аудан бойынша 22 жоба іске асырылуда. Оның ішінде: 6 ауылдың ішкі жолдардың ағымдағы жөндеу жұмыстары, 9 ауылдың ауыз су құбырларымен кәріз жүйесінің ағымдағы жөндеу жұмыстары және 7 ауылдың спорт алаңдарымен стадиондарының абаттандыру жұмыстары болып табылады.

Көпбалалы және толық емес отбасыларға әлеуметтік көмек көрсету үшін ауқымды жұмыстар жүргізілуде. Аудан бойынша 2019 жылдың 1 қазанына орташа табысы кедейлік шегінен төмен болған құрамында 48918 адам бар 9505 отбасына 3 млрд. 266 млн. теңге, жаңа нысандағы мемлекеттік атаулы әлеуметтік көмек төленді, оның ішінде 4611 көпбалалы отбасы. Тұрғын үйді алу кезегінде 182 көпбалалы отбасы тұр. Осы жылы көп балалы отбасыларға бюджет есебінен ауданның елді мекендерінен 10 жеке тұрғын үй сатып алынды.

Сондай-ақ желтоқсан айында Есік қаласында 60 пәтерлік тұрғын үй қолданысқа берілмек. 2020 жылы Есік қаласы мен Шелек ауылында 60 пәтерлік 3 тұрғын үй салынбақ. Бұл кезекте тұрған барлық көп балалы отбасылардың тұрғын үймен қамтамасыз ету пробеламаларын шешуге мүмкіндік береді. Одан бөлек, ауданымыздың кәсіпкерлерімен көп балалы отбасыларға екі тұрғын үй сыйға тартылды, үш тұрғын үй күрделі жөндеуден өткізілді. Мұқтаж отбасылар үшін мемлекет ұсынған төлемдерден басқа аудан бойынша көмек бағдарламасы әзірленіп, жүзеге асырылуда. Халықты жұмыспен қамту саласында да оң нәтижеге қол жеткізілді: жұмыспен

қамтылғандардың саны көбейіп, жұмыссыздық деңгейі төмендеді. Жұмыссыздық деңгейі 4,3 пайызды құрады,-деді Бинәлі Әбдіқапасұлы.