Халыққа қызмет көрсету нысандарында ережені сақтау

Халыққа қызмет көрсету орындарда міндетті түрде өртке қауіпсіздік
ережелерін қатаң сақтау керек. Біріншіден, шығатын есіктері тез ашылатындай
болу керек, көрінетін жерде адамдардың көшіру жоспары ілініп тұру керек,
нысандарда жылына екі реттен кем емес өрт жаттығуы өткізілу керек,
өрт шыққан кезінде автоматтық дабыл бергіштерімен жабдықталу керек,
нысандарда жарамды алғашқы өрт сөндіру құрал-жабдықтары болу керек
және т.б.
Адамдарды құтқару — бірінші кезектегі жұмыс. Содан әрі өртті өшіруге
болады. Ол үшін қолда бар құрал-жабдықтарды пайдаланған дұрыс.
Мысалы: шелекпен су шашу, құм себу, көрпе немесе киізбен жабу, басқа да
шараларды жүзеге асыру. Бұл жерде ескертетініміз, өрт кезінде есік-терезенің
ашылуына, бөлмеге жел кіргізілуіне жол берілмеуі керек. Ал бензин, керосин
сияқты жанар-жағар майлар жанатын болса, оларды су құйып өшірмей, киіз,
сырмақпен жауып, құм, топырақпен көмгенде ғана өрт ауыздықталады.
Жаңа жанған отты өшіру қашанда жеңіл. Сондықтанда сіздерге айтарымыз,
өрт қауіпсіздігін қатаң сақтағанда ғана Сіздер өздеріңіздің өмірлеріңізді,
денсаулықтарыңызды, дүние мүліктеріңізді өрттен аман сақтай аласыздар.
Ал, өртті өшіргеннен, оның алдын алған әлдеқайда жеңіл әрі тиімді.
Д. ШЫНДАУЛЕТОВ,
аудандық ТЖБ бастығы, азаматтық қорғау капитаны.