Кербұлақ ауданының қорғаныс істері жөніндегі бөлімінде құқық қорғау қызметкерлерінің және аудандық медициналық шақыру комиссия құрамының қатысуымен «Сыбайлас жемқорлықсыз армия» тақырыбында дөңгелек үстел өтті.
Бөлім бастығы подполковник Б.Ыдырысов 2018 жыл басынан Жергілікті әскери басқару органдарында сыбайлас жемқорлықтарды жасау үстінде ұсталған және сотталған тұлғалар туралы мәліметтерді қайталап жеткізді.
Қорғаныс істері жөніндегі бөлімінде азаматтарды әскери есепке алу, әскери билет беру, мерзімді әскери қызметке азаматтарды шақыру, медициналық тексеруден өткізу, ҚР ҚК ӘТМ азаматтарды іріктеу және келісімшартпен әскери қызметке қабылдау кезінде қылмысқа жол бермеу және алдын алу жұмыстарын жандандыру керектігін жеткізді.
Қазақстан Республикасының Қарулы Күштерінің мақсаты армия ортасында кез келген сыбайлас жемқорлық көрінісіне «нөлдік» төзімділікті қалыптастыру болып табылатынын атап өтті.
Жиынды қорытындылаған Кербұлақ ауданының қорғаныс істері жөніндегі бөлім бастығы подполковник Б.Ыдырысов қатысушыларды сыбайластық, жемқорлық, парақорлық сынды індеттерді болдырмауға шақырды.
Г.ДАЙЫНБАЕВА,
аудандық қорғаныс істері жөніндегі бөлімі.