Халық қалаулысы ауыл тұрғындарымен кездесті
Жуырда Қарашоқы орта мектебінің мәжіліс залында облыстық мәслихат депутаты С.Мұқановтың ауыл тұрғындарымен кездесуі болып өтті.
— 2016 жылы Кербұлақ ауданынан депутат болып сайландым. Халық қалаулысы ретінде қолымыздан келген жұмысты жасаймыз деп ойлаймын. Депутат болған 2 жылдың ішінде осы аудандағы Жоламан мен Қарашоқы ауылынан басқа ауылдардың барлығында болып, халықпен кездесу өткізіппін. Бүгін сіздермен кездесудің сәті түсіп отыр,-деген халық қалаулысы.
«Нұр Отан» партиясының басшысының ауысуына байланысты, елімізде көптеген жаңа игі істердің жүзеге асып жатқанына тоқталды. «Нұр Отан» партиясы төрағасының бірінші орынбасары М.Әшімбаевтың ауыл мәселесіне үлкен көңіл бөліп, ауыл жастарының жағдайын қаланың жастарының деңгейіне көтеру туралы, дене шынықтыру-сауықтыру орындарын салу, спорт мектептерін ауылда ашу туралы мәселелерді көтеріп отырғандығын атап өтті.
— Облыста 940 сайлаушы бар. 44 облыстық депутат сайланды. Депутаттар не істеп жатыр? Облыстық мәслихаттың міндеті облыстық бюджетті қадағалау. Сол бюджеттің қайда, қалай жұмсалып жатқандығын қадағалауымыз керек. Әр депутат осы мәселе бойынша өз округінде есеп беру туралы айтылған,- дей отырып, облыстық мәслихат хатшысы С.Дүйсенбіновтың баяндамасымен таныстырды.
Елбасы Н.Назарбаевтың бес институционалдық реформасын жүзеге асыру бойынша «100 нақты қадам — Ұлт жоспарын» орындау мақсатында Қазақстан Республикасының қолданыстағы заңнамасымен жергілікті өкілді органдарына жүктелген өкілеттіктер мен міндеттерге сәйкес Алматы облыстық мәслихатымен 2017 жылы 4 кезекті, 10 кезектен тыс сессия өткізіліп, 53 жалпы және 16 нормативтік құқықтық сипаттағы актілер қабылданғандығын айта отырып, бақылау функцияларының жүзеге асырылу барысына, депутаттық сауалдардың орындалуына, тұрақты комиссиялардың қызметіне,депутаттармен «Нұр Отан» партиясының облыстық, аудандық және қалалық филиалдарында жүргізілген қабылдаулар туралы айтып өтіп, перспективада атқарылатын қызметтің негізгі бағыттарына тоқталды. Кездесу барысында С.Мұқанов тұрғындар тарапынан қойылған сұрақтарға жауап берді.
Қарашоқы ауылының әкімі Д.Ақбасова сөз сөйлеп, облыстық мәслихат депутатына алғысын білдіре отырып, Қарашоқы ауылының бүгінгі тыныс-тіршілігіне тоқталып, Мәдениет үйі мен дене шынықтыру-сауықтыру кешені туралы айтып өтті.Бүгінгі күні өзекті мәселенің бірі — Рудник ауылына кіре берістегі 3 шақырым жол екендігін, 65 адам қол қойған ауыл тұрғындарынан өтініш түскенін айтып, бүгінде аудан басшылары бұл жұмысты жеке бақылауларына алғандығына тоқталды.Жаңадан мешіт салу, жарықтандыру сияқты жұмыстарды жүргізуді қолға алатындықтарын айта отырып, облыстық мәслихат депутатына ауыл тұрғындары атынан алғысын білдірді.
Ләйлә ЕСКЕНДІРҚЫЗЫ
Мемлекет басшысы Қасым-Жомарт Тоқаев Премьер-Министрге, Президент Әкімшілігінің Басшысына және күштік құрылымдардың жетекшілері мен барлық әкімдерге Украина төңірегіндегі жағдайдың ушығуына байланысты негізгі әскери және азаматтық нысандардың қауіпсіздігі
Парламент палаталарының төрағалары қабылданып жатқан іс-қимыл туралы хабардар етілді. През…