Күреңбел өңіріндегі үгіт-насихат жұмыстары аясында партия өкілдері тұрғындарға сайлауалды бағдарламаның басым бағыттарын таныстырып, Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Жолдауында айқындалған міндеттерге де тоқталды.
Алғашқы болып сөз алған Амангелді Есбай өңірдің әлеуметтік-экономикалық дамуы үшін инженерлік инфрақұрылымды жетілдірудің маңыздылығын атап өтті. Оның айтуынша, партияның 2026–2031 жылдарға арналған өңірлік сайлауалды бағдарламасында елді мекендерді газдандыру, электр және жылу желілерінің тозу деңгейін төмендету бағытында нақты міндеттер белгіленген.
– Тұрғындардың өмір сүру сапасын арттыру үшін елді мекендердің инженерлік инфрақұрылымын кезең-кезеңімен жаңғырту маңызды. Сайлауалды бағдарлама аясында елді мекендерді газдандыру деңгейін 93,8 пайызға дейін жеткізу, электр желілерінің тозуын 71,7 пайызға, жылу желілерінің тозуын 40 пайызға дейін төмендету көзделген. Бұл бастамалар өңірдегі инженерлік инфрақұрылымды жетілдіріп, тұрғындардың тұрмыс сапасын жақсартуға бағытталған, – деді Амангелді Есбай.
Өз кезегінде кандидат Қайрат Кереев партияның өңірлік сайлауалды бағдарламасында білім беру саласын дамытуға бағытталған бастамаларға тоқталды. Оның айтуынша, жаңа мектептер салу мен қолданыстағы білім беру нысандарын жаңғырту арқылы өңірдегі инфрақұрылымдық мәселелерді шешуге және қала мен ауыл балалары үшін сапалы білім алуға тең мүмкіндік қалыптастыруға басымдық беріледі.
Кездесу барысында аудан тұрғындары партия өкілдеріне өздерін толғандырған мәселелерді жеткізіп, ұсыныс-пікірлерін білдірді. Кандидаттар көтерілген сауалдарға жауап беріп, партия бағдарламасында көзделген бастамаларды түсіндірді. Тұрғындар өңірдің инфрақұрылымын жақсарту мен білім беру саласын дамытуға бағытталған ұсыныстарға қатысты пікірлерін ортаға салды.
Дайындаған: «Әділет» партиясы Жетісу облыстық филиалының баспасөз қызметі.
Тапсырыс беруші: Есбай А.Ғ.
Жетісу облыстық мәслихаты депутаттарының сайлауында партиялық тізімді ұсынған «Әділет» партиясы» ҚБ сайлау қорының қаражатынан төленді.