Жүздесу барысында спикер 2026–2031 жылдарға арналған сайлауалды бағдарламаның негізгі басымдықтарын таныстырып, өңірдің әлеуметтік-экономикалық дамуына, тұрғындардың әл-ауқатын арттыруға бағытталған міндеттерге тоқталды.
Амангелді Есбай әуелі сайлауалды бағдарламаның басты мақсатына тоқталды.
— Біздің басты міндетіміз – халықты жайлы тұрғын үймен және заманауи инфрақұрылыммен қамтамасыз ету, өмір сүру ұзақтығын арттыру, тұрақты жұмыспен қамту мүмкіндіктерін кеңейту, орта бизнесті дамыту және орта тапты нығайту, ауылдағы еңбектің табыстылығын арттыру, – деді спикер.
Мұнан өзге Амангелді Есбай денсаулық сақтау, білім беру, әлеуметтік қолдау, жұмыспен қамту және кәсіпкерлікті дамыту мәселелеріне назар аударды. Сонымен қатар, әрбір бастаманы жүзеге асыруда халықтың ұсыныс-пікірлері мен нақты қажеттіліктерін ескерудің маңыздылығын атап өтті.
Кездесу ашық пікір алмасу форматында өтіп, орталық қызметкерлері бағдарламадағы басымдықтарды қолдайтынын жеткізді.
Дайындаған: «Әділет» партиясы Жетісу облыстық филиалының баспасөз қызметі.
Тапсырыс беруші: Есбай А.Ғ.
Жетісу облыстық мәслихаты депутаттарының сайлауында партиялық тізімді ұсынған «Әділет» партиясы» ҚБ сайлау қорының қаражатынан төленді.