Мен және менің мамандығым

Адам баласы жас кезінен бастап кім болуды ойлап, өз жүрегінің қалауы бойынша мамандық таңдайды. Өмір бойы өз ісін жетік білсем, қалайда  халқыма, туған еліме аз да болса пайдам тисе екен деп армандайды. Еліне тигізген пайданы парызым деп абыроймен орындауға бар өмірін сарп етеді ғой. Мамандық таңдау — өте маңызды іс. Себебі, адам баласы өзі таңдаған  мамандығы бойынша өмір бойы қызмет атқаратыны сөзсіз. Менің де тәрбие саласында яғни,  ұстаздық бағытта қызмет атқарғаныма 35 жылдай уақыт болыпты. Әрине бұл аз уақыт емес.

Ұстаздық  жайлы жазып отырып, ойыма  марқұм атам түсті. Сол кісінің әңгімесі бойынша 60-70 жылдары бір ауылда бір мұғалім, ол  деген өнеге иесі  болатын. Атам болса: «Балам, сен өскенде мұғалім бол, көрші ауылдағы мұғалім қыз қандай әдепті, көрікті» деп, айтып отыратын. Оқитын уақытың жақындап келеді, орысша үйрену керек, мен сені орыс класына берем» деді. Қазір ойлап қарасам, шынымен  де  сол кезде атамды  мұғалімнің көркі, сөйлеген сөзі қызықтырған екен. Ұстаздық әдеп — мұғалімнің көркі. Сонымен қатар, сол кездегі мұғалімдердің асыл қасиеттері оның жүріс-тұрысынан, сөйлеген сөзінен, киген киімінен — барлығынан болсын жарқырап көрініп тұруші еді. Бүгінде мен  атамның арманы орындалды деп есептеймын. Себебі, мен дұрыс жолды таңдадым, яғни ұстаздық жолды таңдадым. Мен бақыттымын.

Бала бақытты болса,  ұстаз да бақытты. Себебі, бала ешнәрсеге алаңдамайды, мейірімділікке сенеді, кішкентай алақандарын алақаныма қойып, өз құпияларын айтып, маған сенім артады. Пәк көңілді балалармен қарым-қатынас маған қуаныш, шаттық сыйлайды.  25 жыл пән мұғалімі бола тұра, психолог мамандығы мен үшін  қиын емес сияқты көрінді. Алайда, олай емес екен. Жылдар бойы жинаған тәжірибем мол бола тұра, психолог мамандығы қиын әрі күрделі жұмыс екенін ұқтым. Психолог — өз тарапынан көмек күтетін, ақыл кеңес  алатын, адамның ішкі жан дүниесін ұғатын мұқтаж адамдарға қолұшын беретін маман. Сондықтан да бала жанын түсінетін, бала тілін түсінетін ұстаздар мен ата-аналардың қажеттілігін сезінетін мамандық  таңдағанымды  мақтан    тұтамын.

А. АУЛЬБЕКОВА,

                                                                                                    педагог-психолог