Әкімдердің жұмысы бағаланды.

2018 жылдың 26 қаңтарында Талдыбұлақ ауылындағы  Ы. Алтынсарин   атындағы орта мектепте  аудан әкімі Бағдат Байшалұлы Алиевтің «2017 жылда ауданның әлеуметтік-экономикалық дамуы және 2018 жылға алға қойған міндеттері туралы»   және Талдыбұлақ ауылдық округінің әкімі Қашқымбаев Марат Метербайұлының   «2017 жылда ауылдың әлеуметтік-экономикалық дамуы және 2018 жылға алға қойған міндеттері туралы »есеп беру кездесуі болып өтті.  Талдыбұлақ ауылдық округі тұрғындары бас қосқан жиынды Кербұлақ аудандық маслихатының хатшысы Бөкен Қабиұлы Рысбеков ашып,жиналғандарды күн тәртібімен және жұмыс регламентімен таныстырды. Күн тәртібі мен жұмыс регламенті бірауыздан қабылданып, сөз баяндамашы Талдыбұлақ ауылдық округінің әкімі Марат Метербайұлы Қашқымбаевқа берілді. Әкім ауыл тұрғындары алдында күн тәртібіндегі мәселе бойынша есепті баяндама жасады. Сондай-ақ, Талдыбұлақ ауыл округі бойынша, 2017 жылдың қорытындысы бойынша және алға қойылған міндеттерімен таныстырып, ауылдағы  барлық әлеуметтік, мәдени салаларға тоқталды. Күн тәртібіндегі екініші мәселе бойынша аудан әкімі Б.Б. Алиев   баяндама жасап, Кербұлақ ауданы бойынша 2017 жылғы әлеуметтік-экономикалық даму бағдарламасының міндеттері жайлы алға қойылған іс-шараларымен және жасалған жұмыстармен толығымен таныстырып өтті.Биылғы жылы аудан орталығынан жаңа өнер мектебінің ғимараты ,цемент зауытының салынатындығы  жайлы айтып,ауданымызда ауыл шаруашылығы бойынша көптеген іс- шаралар қолға алынғандығына , Сарыөзек ауылында май шығаратын зауыттың іске қосылғандығына жайлы айтып, жалпы 2018 жылға алға қойылатын міндеттерге тоқталды.Ауданымыздабиылғы жылы  арпа, картоп салумен қатар аудан   қызылшасын салу жоспарланып отырғандығын жеткізді.Жарыссыөзге шыққан ақсақалдар алқасының төрағасы Б. Исанов, Ы. Алтынсарин атындағы орта мектеп- шағын орталығының директоры Ғ.Қ.Иманбекова  аудан әкімі Б.Б.Алиевтің қандай істерде  болмасын алдын алып,   игі істердің басында жүретінін атап өтіп, алғыстарын білдірсе,Бостан ауылының тұрғыны М. Тұлегенов   «Бірлік бар жерде- тірлік бар» демекші, ауданымызда істелініп жатқан жұмыстардың барлығы ауызбіршілік пен берекенің арқасындаекендігіне тоқталып, тұрғындардың  және өз атынан аудан әкім Б.Алиевке ризашылықтарын білдіріп,   барлық сала бойынша  жақсы нәтижелерге қол жеткізген аудан әкімінің жұмысына қанағаттанарлық деген баға беру туралы ұсыныс айтсаты. Ы.Алтынсарин атындағы орта мектеп- шағын орталығының тәрбие ісі жөніндегі орынбасары Акбуимов Серік Жетайұлы  аталған  орта мектеп- шағын орталығына күрделі жөндеу жұмыстары жүргізілсе деген ұсынысын жеткізді.Есепті кездесу барысында шешім жобасы бірауыздан қабылданып,   есеп берушілердің жұмысына «қанағаттанарлық» деген баға берілді.

Шұбар ауылдық округі әкімі Қайсар Күнтуғанұлы Сейтқожаевтың «2017 жылы атқарған жұмыстары туралы және алға қойған міндеттері туралы есебі және    аудан әкімі Бағдат Байшалұлы Алиевтің «2017 жылда ауданның әлеуметтік-экономикалық дамуындағы атқарылған жұмыстары және 2018 жылға алға қойған міндеттері туралы» есеп беру  кездесуі Шұбар ауылдық округінде болып өтті.   Шұбар округінің тұрғындары, мектеп, балабақша, пошта ұжымдары, ақсақалдар, ардақты аналар, шаруа қожалық басшылары, кәсіпкерлер, ауыл жастары және қоғамдық ұйымдарының  өкілдері қатысқан есепті кездесу барысында аудан әкімі мен ауылдық округтің әкімі өздері атқарған жұмыстары туралы айтып, әр салаға жеке-жеке тоқталды.2017 жылы аудан көлемінде атқарған жұмыстар  туралы бейне ролик көрсетіп, кеңінен мағлұмат берілді.

Шұбар орта мектебінің мұғалімі Тонқақова Қарлығаш Нүсіпбекқызы есеп берушілерге қанағаттанарлық деген баға беру туралы айтып өтіп, Шұбар орта мектебіне күрделі жөндеу жұмыстары жүргізілсе деген ұсыныс жеткізсе, әйелдер алқасының төрайымы — Күзембаева Нүкетай     аудан әкіміне 2017 жылы Шұбар ауылының ауыз су мәселесін шешіп бергеніне ауыл тұрғындары атынан рахметін айып, есеп берушілердің  бір жылда атқарған жұмыстарына қанағаттанарлық деген баға берілсін деген ұсыныс айтты.

Көксу ауылдық округінде   өткен аудан әкімі Б.   Алиевтің және Көксу ауылдық округі әкімі Ж.Дуанаевтың есеп беру кездесуінде  аудан әкімі Б.Алиев  Көксу ауылында су электр станциясы салыну құрылыс жұмыстары басталып, Көксу ауылдық округінде толығымен жолға күрделі құрылыс жұмыстары жасалынғандығына тоқталды.

— Еліміз әлемнің дамыған елдерімен терезесін теңестіріп, иық тірескен болашағы кемел елге айналуы тиіс. Елбасы айтқан айқын мақсаттарға жетуге, көрсетілген міндеттерді орындауға біз бірге атсалысып, бір кісідей жұмылып еңбек етуіміз, керек, -деген аудан әкімі атқарылған шаруалардың барлығын  жеке -жеке айтып  , атқарылатын   іс-шаралардың ауқымдылығына тоқталды. Осы мақсаттарға жету жолында аянбай еңбек етіп жүрген ауыл тұрғындарына , сондай-ақ аудан көлемінде өткізілген іс-шараларыға ат салысатын ірі шаруа қожалық иелеріне алғысын жеткізді.

Жарыссөзге шыққан   Көксу орта мектебінің ұстазы Исраилова Ксения Викторовна,ақсақалдар алқасының төрағасы Умербеков Оразқали Имандосұлы,  Беріктас орта мектебінің мұғалімі Биғашева Альбина Абайханқызы, Әкімхан Жәлел  есеп беруші әкімдерге  қанағаттанарлық деген баға беру туралы ұсыныстарын жеткізді.

Көксу ауылдық округі тұрғындары бас қосқан есеп беру  кездесуінде  аудан әкімі Б.Б.Алиев пен   Көксу ауылдық округінің  әкімі Ж.Н.Дуанаевтың  жасаған жұмыстарына  қанағаттанарлық деген баға беру туралы   шешім бір ауыздан қабылданды.

Сарыөзек ауылдық округі әкімі Б.Е.Тұрсынбаевтың және Кербұлақ ауданының әкімі Б.Б.Алиевтың Сарыөзек ауылдық округінің тұрғындары алдындағы 2017 жылы атқарылған жұмысы және алдағы міндеттері туралы есеп беру  кездесуі Күреңбел орта мектебінің мәжіліс залында болып өтті.

Күн тәртібіндегі  сұрақтар бойынша   Сарыөзек ауылдық округінің әкімі Батырхан Ешметұлы Тұрсынбаев «2017 жылы атқарылған жұмыстарының қортындысы және алдағы міндеттері туралы» және   аудан әкімі Бағдат Байшылұлы Алиев « 2017 жылғы ауданның әлеуметтік-экономикалық дамуы және 2018 жылға алға қойған міндеттері туралы »есебін берді.

-Ауданымызда өткен жылы алға қойған мақсаттарымыз, жоспарлар кешені толықтай орындал ды деген сеніммен айта аламын. Менің бір жылдық атқарған жұмысымның есебі аудандық «Кербұлақ жұлдызы» газетінде жарияланды, оқып- таныстыңыздар деп ойлаймын.Жүз рет естігенше, бір рет көрген артық демекші, жылдық есебімді  бейнероликтен де тамашаладыңыздар. Иә атқарылған шаралар көп. Бірақ біздер  істі бітірдік деп тоқмейілсіп отырмаймыз.Алда атқарылатын шаруалар одан да   ауқымды болмақ.Сіздерсіз мен ешкім емеспін. Ауданымызда біткен әр істің соңында өздеріңіз тұрсыздар. Ендеше алдағы жылдарда да өздеріңізбен бірлесіп жұмыстар атқарамыз деген сенімдемін,-деген аудан басшысы алдағы жұмыс жоспарлары  туралы  айтып өтті.

Д.Қонаев орта мектебінің директоры Еркебұлан Амантайұлы Самылтыров жарыссөзге шығып,Кербұлақ ауданының әкімі Бағдат Байшалұлы Алиевтің және Сарыөзек ауылдық округінің әкімі Батырхан Ешметұлы Турсынбаевтың өткен жылда істеген және өткізген жұмыстары туралы есебінде  барлық сала  нақты қамтылғанын айта келе, аудан және ауылдық округ  әкімдерінің жұмыстарына «қанағаттанарлық» деген баға беру туралы ұсынысын білдіріп, Д.Қонаев орта мектебін ағымды жөндеуден өткізуге көмектесуді сұраса,Сарыөзек ауылының тұрғыны зейнеркер-ұстаз Мейрамгүл Нүсипахынқызы  қос әкімнің халықтың әлеуметтік-тұрмыстық ахуалын жақсарту бағытында атқарып жатқан игілікті істеріне сәттілік тіледі:

-Аудан  әкімі Бағдат Байшалұлы Алиевтың атқарған жұмыстарын айтып жеткізу мүмкін емес, өйткені аудан бойынша барлық саладан алдыңғы орындамыз, ауылымыздың өсуі, көркейуі, жаңа жұмыс орындарының ашылуы, жұмыссыздықтың жоқтығы оның барлығы аудан әкімінің арқасы.2017 жылға ауданның әлеуметтік-экономикалық дамуындағы атқарылған жұмыстарыңызға «қанағаттанарлық» деген бағамды беремін,-деді.

Сарыөзек ауылының тұрғыны зейнеркер Болатхан Қыстаубаев әкімдерінің есебіне   «қанағаттанарлық» деген баға беретінін айтып,     жаңа ықшам ауданының   көшелеріне орташа жөндеуден өткізуге көмектеуін сұрады.

Сарыөзек ауылдық округінің әкімі Батырхан Ешметұлы Турсынбаевтың 2017 жылғы атқарған жұмыстарының қортындысы және алдағы міндеттері туралы есебі және Кербұлақ ауданының әкімі Бағдат Байшылұлы Алиевтың 2017 жылы атқарылған жұмыстарының қортындысы және 2018 жылғы ауданның әлеуметтік-экономикалық дамуы және 2018 жылға алға қойған міндеттері туралы есебіне   «қанағаттанарлық» деген баға берілсін, назарға алынсын деген  шешім  бірауыздан қабылданды.

Сарыбұлақ ауылдық округінің әкімі Б.Бектемиров пен Кербұлақ ауданы әкімі Бағдат Байшалұлы Алиевтың 2017 жылда ауыл, ауданның әлеуметтік-экономикалық даму жолында атқарған жұмыстары мен 2018 жылға алға қойған міндеттері туралы есеп беру кездесуі Қарағаш ауылында болып өтті.    Ауылдық округтің әкімі  Бектемиров Бахытжан Абуталипұлының баяндамасы ққылып, талқыланды.  Есепті баяндамасында аудан әкімі   аудан әкімі әр салаға жеке – жеке тоқталып, 2017 жылы аудан көлемінде атқарылған жұмыстары жайлы айтып өтті.  2017 жылы атқарылатын жұмыстар  туралы бейнеролик көрсетіліп,    кеңінен  мағлұмат берілді. Аудан әкімі  өз сөзінде:

-2018 жылдың 10 қаңтарында Елбасы Н. Назарбаев  Қазақстан халқына кезекті жыл сайынғы Жолдауын жариялады. Қазақстан басшысы 30 дамыған елдің қатарына кіріп, «Төртінші өнеркәсіп революциясы дәуірінде» даму үшін алдыда тұрған «он міндет» туралы айтты. Олардың ішінде жаңа технологиялар саласында ел индустриясын үздіктер қатарына іліндіру, ресурс потенциалының тиімділігін арттыру, қаржы секторын қайта өңдеу, жемқорлықпен күрес және адам капиталының сапасын күшейту бар.

Елбасының әр жылғы Жолдаулары — мемлекетіміздің болашаққа көзқарасының түзу болуына негізделген негізгі құжат. Ал ондағы тапсырмалар әр азаматтың келешегінің кемел де жарқын болуына барлық мүмкіндіктерді тудыратыны анық. Сондықтан да, барлықтарыңызды Елбасы саясатын жүзеге асыруда аянбай еңбек етуге шақырамын,-деген басшы аудан көлемінде  атқарылған шаралар туралы жан-жақты мағлұматтар беріп өтті.

Кездесу барысында  жарыссөзге шыққан  Қарағаш ауылының тұрғыны ақсақалдар алқасының төрағасы Кольбаев Ғани өз сөзінде, округ әкімі мен аудан әкімінің бір жылда жасаған жұмыстарына ризашылығын білдіріп, қанағаттанарлық деген баға бере отырып,  Қарағаш ауылына кірме жолдарын күрделі жөндеу жұмыстарын жүргізу туралы ұсынысына аудан әкімі Б.Б.Алиев жауап беріп,   Қарағаш ауылына кірме жолдарына жобалау сметалық құжат жасалынып, күрделі жөндеу жұмыстары жүргізілетіндігін жеткізді.

Әйелдер кеңесінің төрайымы Рахмбаева Клара Рахымбекқызы, Сарыбұлақ орта мектеп мектепке дейінгі шағын орталығының қазақ-әдебиет пәнінің мұғалімі Абельдинова Айнур Бейбітқызы   ауыл округінің әкімі мен аудан әкімінің бір жылда жасаған жұмыстарына   қанағаттанарлық деген баға беру туарлы  ұсыныстарын айтты.

Есепті кездесу қорытындыланып,Сарыбұлақ ауылдық округінің әкімі Бахытжан Абуталипұлы Бектемиров пен Кербұлақ ауданы әкімі Бағдат Байшалұлы Алиевтің Қарағаш ауыл тұрғындарының алдындағы есебі назарға алынсын және атқарылға жұмыстары қанағаттанарлық деп танылсын.жеген шешім бірауыздан қабылданды.

Басши ауылдық округі әкімі Тоқтарбек Елеусізұлы Бекмурзаның 2017 жылда ауылдық округтің әлеуметтік-экономикалық дамуы және 2018 жылға алға қойған міндеттері туралы есебі мен  аудан әкімі Бағдат Байшалұлы Алиевтің 2017 жылда ауданның әлеуметтік-экономикалық дамуы және 2018 жылға алға қойған міндеттері туралы есеп беру кездесуі Басши ауылының мәдениет үйінде өтті.

Кездесуге қатысушылар   ауылшаруашылығы, өнеркәсіп, әлеуметтік салада, аудан тұрғындарын ауыз сумен қамту, тұрғын үй мәселесі, инвестиция, ауданымыздың экономикасынның әр саладағы есептік көрсеткіштері  толыққанды қамтылған    видеороликті тамашалап, ауданымыздың 2017 жылы атқарған жұмыстарымен жан-жақты танысты.

-Аудан көлеміндегі жұмыстар өз ретімен жасалынып келеді . Өздеріңіздің ауылдарыңыз Басши ауылының Шормақ батыр көшесіне биылғы жылы асфальтау жұмысы жүргізіледі. «Үйеңкүл » су қоймасының күрделі жөндеу жұмысына облыстық мәслихаттың шешімімен қаражат бөлінеді, жөндеу жұмысы қолға алынады деп сенімдемін. Мемлекеттен сұрай бермей мемлекетке біз не беріп жатырмыз деген ойлар мазалайды сол себептен ауданымыздың әр азаматы өз ауылы үшін еңбек етуі қажет деп ойлаймын. Ауданымыздағы инвестиция жоспары артығымен орындалды оның барлығы ауданымыздың жеке тұлғалары мен кәсіпкерлерінің ортаға салған қаражаты болып табылады деді. Бүгінде білім саласының қызметкерлері оның ішінде  мектеп басшыларына жас ұрпақ оқушы балаларға сапалы білім беруге үлкен талап қойдым. Ауданымыз астық және мал шаруашылығымен тығыз айналысып әр ұжым мен жеке шаруа қожалығы өз шаруасындағы жұмыстарын нық орындап келеді,-деген аудан басшысы кәсіп қылып еңбек етем деген адамға   әр қашан қолдау болатынын айтты.

«Балауса» жеке шаруа қожалық төрағасы Д.Нұртазаев ауылдық округіндегі Түлкілі учаскесіндегі лоттоктар арқылы егіс алқаптарына суды жіберуге жөндеу жұмысы жасалынама? деген сұрағына аудан әкімі Б.Алиев — жоғарыда айтып өткенімдей,аудандағы қандай жұмыс болмасын ретімен, кезеңімен атқарылады.Кезегі келгенде бұл жұмыстарда жасалынатын болады, әзірге құжаттарын жасап жатырмыз,- деп жауап берсе , зейнеткер А.Смағұлов жеке шаруа үшін жайылым жер беріле ме?деген сауалына :

Аудан бойынша жерді пайдаланып жатқан жерлерге менің тапсырмамен тексеру жұмыстары жүргізілінді анықталғаны 30,0 мың гектардай жер   қайтарылды ал бізде әлі де 42,0 мың гектар жер бар. Жер беру жайына келсек   ол аукцион арқылы жүргізіледі.     Жерді алу үшінбұқаралық ақпарат құралдарында   лотт арқылы хабарлама берілетінін сол кезде аукционға қатысуға мүмкіндігі бар екенін айтып өтті.

Ауылдық мәдениет үйінің әдіскері Айдын Қалибекұлы Байденов   ауылдық округі әкімі Т.Бекмурзаның және Аудан әкімі Б.Алиевтің жылдық қорытынды есебіне  қанағатанарлық деген баға беру туралы ұсынысын  айтып,  Басши ауылының көше жолдарын орташа жөндеу жұмысының жүргізілуіне ықпал етуді сұрады.

Есепті кездесу  барысында есеп беруші әкімдердің жұмысына қанағаттанарлық деген баға беру туралы шешім қабылданды.

Ләйлә Ескендірқызы