Салауатты жұмыс орны

Салауатты жұмыс орны – бұл денсаулықты сақтауға және нығайтуға, өндірістік аурулар мен жарақаттардың алдын алуға, сондай-ақ өндірістік ортаның физикалық және психоәлеуметтік жағдайын жақсартуға мүмкіндік беретін орын. Бұған өмір салты, мінез-құлық, қызметкерлердің денсаулыққа деген көзқарасы да кіреді.

Жұмыс орындарында денсаулықты сақтау келесі бағыттарды қамтуы тиіс:

• қауіпсіз физикалық өндірістік ортаны қамтамасыз ету, бұл еңбек қауіпсіздігі және өндірістік медицина саласының жауапкершілігіне жатады;
• медициналық көмектің қолжетімділігін арттыру, тек төтенше жағдайларда ғана емес, жоспарлы түрде де, соның ішінде кәсіби және негізгі созылмалы аурулардың алдын-алу шараларының енгізілуі;
• ұйымдағы психоәлеуметтік ортаны жақсарту, қызметкерлердің жеке әлеуметтік жағдайын арттыру, зиянды мінез-құлықпен байланысты қауіптерді азайту, дене белсенділігі мен салауатты тамақтануды ынталандыру;
• жұмыс берушінің жауапкершілігін арттыру, қызметкерлердің өмір сүретін,жұмыс істейтін барлық жерлерінде денсаулықты нығайтуға және сақтауға жағдай жасау (өндірісте, компанияның өз аумағында).

Жобаның мақсаты: қауіпсіз, салауатты және қолайлы еңбек жағдайларын қалыптастыру және дамыту.

Жобаға кім қатыса алады:

Қызметкерлері мен жұмыс орындары бар кез келген ұйымдар мен кәсіпорындар қатыса алады.

Негізгі қатысушылардың категориялары:

Өнеркәсіптік кәсіпорындар: заводтар, фабрикалар, құрылыс компаниялары, энергетика, көлік, ауыл шаруашылығы.

Әлеуметтік сала: балабақшалар, мектептер, колледждер, ЖОО, ауруханалар,емханалар, санаторийлер,қарттар үйлері, әлеуметтік қолдау орталықтары.

Мемлекеттік және квазимемлекеттік ұйымдар: әкімдіктер, мемлекеттік мекемелер, ХҚКО, ұлттық компаниялар, квазисектор.

Жеке сектор: банктер, офистік компаниялар, сауда, қонақүйлер мен мейрамханалар.

«Салауатты жұмыс орындары» жобасына қатысу тәртібі

Қатысушы ұйымдарға қойылатын негізгі талаптар:

• өтінім беру. Өтінім бекітілген форма бойынша толтырылады. Ұйым басшысы қол қойып, мөрмен растайды;
• стратегиялық құжаттар. Қызметкерлердің денсаулығы мен әл-ауқатын жақсартуға бағытталған бекітілген құжаттар. Бұл ДС (ЗОЖ) саясаты, еңбек қауіпсіздігі бағдарламасы және басқа да құжаттар болуы мүмкін;
• жұмыс орнының профилі. Онда қызметкерлер саны, жасы, жынысы, білімі, жұмыс сипаты, өндірістік жағдайлар мен қауіптер, денсаулыққа арналған ресурстар (медпункт, асхана, спортзал және т.б.) туралы мәліметтер беріледі.

Қорытындылай келе, аталған жоба – Дүниежүзілік денсаулық сақтау ұйымының бастамасы шеңберінде халықтың денсаулығын сақтау және нығайту бағытталған шара.

Самат Ахметов,

Жетісу облысы СЭБД басшысының орынбасары.