Жемқорлықтың алдын алу

Жуырда аудандық салық басқармасының мәжіліс залында Қазақстан Республикасы Ішкі істер министірлігінің 2015-2017 жылдарға арналған ақпарттық-иммдждік бағдарламасын іске асыру жөніндегі іс-шаралардың 24-тармағына сәйкес «Нұр Отан» партиясымен бірігіп  сыбайлас жемқорлыққа  қарсы күрес тақырыбында  дөңгелек үстел өтті. Дөңгелек үстелге «Нұр Отан» партиясы Кербұлақ аудандық филиалы төрағасының бірінші орынбасары Бозымбеков Жомарт Саханұлы, бірінші полиция батальон, аға лейтенант, взвод командирі Күдербаев Жомарт Советқалиұлы,  Алматы облысы МККБ ММ1-полиция батальон 6 взвод жеке құрамы, қатысты.  Алғашқы сөзді «Нұр Отан» партиясы Кербұлақ аудандық филиалы төрағасының бірінші орынбасары Жомарт Саханұлы алып:

-Бұл еліміз бойынша айықпас дертке айналып отыр. Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Пара бергенде пара алған да жазаға тартылып, бас бостандығынан айырылады.  Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын  әлемдегі  барлық  елдердің  қай-қайсысын  да  қатты  алаңдататыны  анық. «Сыбайлас жемқорлық» деген латын тілінен аударғанда «параға сатып алу», «пара» ретінде, «corruptio» деген мағынада. Орыс тілінің түсіндірме сөздігі сыбайлас жемқорлықты пара беріп сатып алу, лауазымды адамдардың, саяси қайраткерлердің сатқындығы ретінде сипаттайды. Сыбайлас жемқорлық әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс. Елбасы биылда «Қазақстан халқының әл-ауқатын арттыру – мемлекеттік саясаттың басты мақсаты» атты өзінің Қазақстан халқына Жолдауында «демократиялық қоғам жағдайында қылмыс пен сыбайлас жемқорлыққа қарсы күрес ерекше мәнге ие болады» деп атап көрсетті. Сондықтан «Жұмыла көтерген жүк жеңіл» дегендей осы дертпен барлығымыз күресейік деп,-сөзін аяқтады. Келесі сөз тізгінін алған  бірінші полиция батальон, аға лейтенант, взвод командирі Жомарт Советқалиұлы: Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану арқылы ғана бұл құбылысқа тиімді түрде қарсы тұруымыз керек. Болашағымыз бұлыңғыр болмасын десек осы дерттен бойымызды аулақ  ұстайық деп қорытындылады.

                                                                                             Дидар ДИХАНБАЕВ