Семинар кеңесте

Жуырда аудандық кітапханада ауылшаруашылық егіншілік мәдениеті, майлы дақылдарды, көкөністерді күтіп баптау мәселесі бойынша, ауданымызға қонаққа атбасын терлетіп, Канада елінен келген Брайн Хеллегарс, Қостанай облысынан Мадина Бримжанова тәжірбие алмасып, екі күндік семинар өткізді. Семинарға жеке  ауылшаруашылық қожалықтары қатысты. Алғашқы сөзді Брайн Хеллегарс алып:

— Майлы дақылдардың егіс көлемін кеңейтумен қатар, олардың жоғары  өнімнің түрлері мен сорттарын пайдаланып, тұқым шаруашылығын жақсартып, ғылыми негізделген интенсивтендірілген өсіру технолигиясын кеңінен қолдана отырып, өнімділікті және оның сапасын жоғарлату керек. Ауыл шаруашылығы дақылдарының өнімділігін көтеру, өсімдік шаруашылығын әртараптандыру, жаңа технологияны жоғары және тұрақты өнім беретін, өнімділік потенциясы жоғары дақылдар сұрыптарын аудандастырып, өндіріске енгізілуі қажет. Соңғы жылдары бұрын егілмеген дақылдарды егу қолға алына бастады. Сол дақылдарды бірі рапс өсімдігі. Рапс өсімдігі үш бағытта пайдаланылады. Май алу үшін, жанармай және мал азығы үшін.  Қазіргі кезде Қытай Канада, Индия, Еуропалық одақ елдерінің рапсты өсіру егістігі  90 пайызды құрайды.  Канададағы егу мәселесіне келсек рапс тұқымының аралығын 15 см етіп, кең қатарлы әдіспен 1 га жерге шамамен 12-16 кг есебінен шашады, 2-4 см тереңдікте себеді. Себу үшін  жақсы дәндер алу керек, бірақ сыртында тозаңы болуы тиіс. Канадада жаздық рапс себу кеңінен таралған, яғни бұл өсімдік түрі  жаздық күздік болып бөлінеді. Рапс өнімі бүкіл дүние жүзі бойынша соядан кейінгі екінші орынды алады. Сондай-ақ бұл өнімді екпес бұрын жердің құнарлығын тексеріп, ауа райына аса көңіл бөлініп, кезең-кезең мен егілуі тиіс деп аяқтады сөзін. Мадина Бримжанова осы айтқандардың барлығын  қазақ тіліне аударып, толғымен түсіндіре білді. Бұл семинарға жалпы он тоғыз адам қатысып, барлығы қатысқандары үшін арнайы сертификатармен марапатталды.

                                                                                               Дидар ДИХАНБАЕВ