Жаңа Конституция – жаңғыру мен саяси трансформацияның кепілі

Бұл тарихи құжат қоғамдағы өзекті сұраныстар мен халықтың үмітін ескере отырып, биліктің барлық тармақтары арасындағы теңгерімді қамтамасыз етуге, мемлекеттік органдардың жауапкершілігін күшейтуге бағытталған өте ауқымды да кешенді қадам болды.
Жаңа конституциялық нормалар азаматтық қоғамның саяси процестерге белсенді араласуына кеңістік ашып, адам құқықтары мен бостандықтарын қорғаудың халықаралық стандарттарға сай келетін жаңа, сапалы деңгейіне көшуге мүмкіндік жасады.
Конституцияға енгізілген түбегейлі өзгерістер ең алдымен суперпрезиденттік басқару моделінен біртіндеп бас тартуды көздейді, бұл өз кезегінде Парламенттің рөлін арттыруға және заң шығару билігінің өкілеттіктерін кеңейтуге берік негіз болып табылады.
Депутаттардың алдындағы міндеттер мен жауапкершіліктер көбейіп, олардың заң шығару қызметінің сапасы, мемлекеттік бюджетті бақылау мүмкіндіктері және халық алдындағы есеп беруі жаңа, заманауи сатыға көтерілді.
Сонымен қатар, жаңа Конституцияда адам құқықтары мен бостандықтарының бұзылуын болдырмауға және оларды қорғауды қамтамасыз етуге арналған Конституциялық соттың құрылуы – құқықтық мемлекет үшін тарихи маңызды сәт ретінде бағаланады.
Енді әрбір азамат өзінің конституциялық құқықтарының бұзылғаны туралы тікелей осы жоғары органға шағымдана алады, бұл өз кезегінде билік пен қарапайым халық арасындағы сенімді нығайтудың маңызды тетігі саналады.
Жаңа Конституция тек саяси құжат қана емес, ол елдегі әлеуметтік-экономикалық реформалардың заңнамалық іргетасы және қоғамның даму бағытын айқындайтын мемлекеттік стратегиялық жол картасы болып табылады.
Бұл өзгерістер ұлттық байлықты ресурстарды әділ бөлуге, сыбайлас жемқорлыққа қарсы іс-қимылдарды жандандыруға және әділетті қоғам құру идеясын жүзеге асыруға бағытталған жаңа құқықтық мәдениеттің аясында жүзеге асырылуы тиіс.
Қорытындылай келе, қабылданған өзгерістер бүкіл елді орнықты даму жолына салу үшін өте маңызды, бұл – әділетті де өркендеген жаңа Қазақстанды құру жолындағы тарихи миссияның бастауы мен басты тірегі.

Сәуле Сейдахметқызы