Қабылданып жатқан референдум – ел дамуының жаңа кезеңі

Қазақстанда референдум өткізу тәртібі Қазақстан Республикасының Конституциясы негізінде жүзеге асырылады. Ата Заңда мемлекеттің аса маңызды мәселелері бүкілхалықтық дауыс беру арқылы шешілетіні нақты көрсетілген. Бұл – еліміздегі демократиялық қағидалардың сақталуының айқын дәлелі. Халық өз таңдауын жасау арқылы мемлекет басқару ісіне қатысып, саяси үдерістердің белсенді мүшесіне айналады.

Қабылданып жатқан референдумның басты мақсаты – қоғамдағы өзгерістерге сай заңнамалық жүйені жаңарту. Уақыт өткен сайын мемлекет дамып, жаңа талаптар пайда болады. Сондықтан қолданыстағы заңдарға өзгерістер енгізу қажеттілігі туындайды. Мұндай маңызды шешімдерді халықтың қатысуымен қабылдау – ашықтық пен әділдіктің белгісі.

Сонымен қатар, референдум азаматтардың құқықтары мен бостандықтарын қорғауды күшейтуге ықпал етеді. Заңнамалық реформалар арқылы әлеуметтік әділеттілік орнап, мемлекеттік басқару жүйесі тиімді бола түседі. Бұл өз кезегінде елдегі тұрақтылық пен бірлікті нығайтады.

`        Референдум – тек саяси шара ғана емес, ол халықтың жауапкершілігін арттыратын үдеріс. Әрбір азамат өз дауысын беру арқылы ел болашағына үлес қосады. Бұл – азаматтық сананың қалыптасуының маңызды көрсеткіші. Халық белсенділік танытқан сайын, мемлекеттің даму қарқыны да арта түседі.

Қорытындылай келе, қабылданып жатқан референдум – ел тарихындағы маңызды кезең. Ол демократиялық құндылықтарды нығайтып, Қазақстанның тұрақты әрі әділетті қоғам құру жолындағы қадамы болып табылады. Халықтың бірлігі мен саналы таңдауы мемлекеттің жарқын болашағына негіз болады.

Аяулым Жалбенова