Жуырда Алтынемел ауылдық округінде аудан прокуратурасының прокуроры Бүркітбаев Айбек Қалқабекұлы, Алтынемел ауылдық округ әкімі Анапиянов Елемес Әбіләкімұлы, Алтынемел УПИ-ның полиция капитаны Бауыржан Батырханұлы «СТОП КРАЖАМ», «Алаяқтық қылмыс», жобалары бойынша Алматы облысында мал ұрлығы, алаяқтық қылмыстың алдын алу, қауіпсіз аймақтық бағдарламасының жоспары бойынша ауыл тұрғындарымен кездесті.

          Біздің елімізде қылмыстық әлеммен, оның ішінде меншікке қарсы жасалған қылмыстық құқық бұзушылықтармен күресуге үлкен назар аударуда. Осыған орай, аудан прокуратурасының  мал ұрлық қылмыстарына талдау жасалып, алдын-алу  шаралары жүзеге асырылуда. Десек те мал ұрлығы көптеп кездесуде, оның себептері-біріншіден, малдың иесі малын қараусыз қалдырады, екіншіден, таң ертен жайылымға апарарда бақташыға табыстамайды, үшіншіден өрістен келген кезде уақытылы алдынан шықпайды. Ауыл адамдары бір-бірімен тығыз байланыста болуы қажет. Заңсыз бөтен мүлікті ұрлау, алаяқтық қылмыс жасау қоғамның мүдделеріне зиян келтіретін дерт, бұл-жәбірленуші ғана емес, жалпы қоғамымызға да өте қауіпті құбылыс. Сондықтан малдарыңызды жеке мүліктеріңізді қараусыз қалдырмаңыздар. Екінші мәселе бұл-алаяқтық. Кербұлақ аудандық прокуратурасымен алаяқтық қылмыстық істерді зерттеген кезде алаяқтың құрбаны болған адамның сенгіштік, жеңіл табыс көзіне құмарлық және т.б. байланысты мінез-құлқы әсер етеді. Бұл өз кезегінде қылмысқа итермелейтін алғы шарт болып табылады. Көбінесе жасы келген адамдар алаяқтардың жиі құрбаны болады. Алаяқтар негізінен сөзге шебер, адамдардың іші –бауырына кіріп өтірікті шындай қылып сендіре біледі. Сондықтан, құрметті ауыл тұрғындары, қашан да қырағылық танытып, осындай алдауларға жол бермей, алаяқтардан сақ болуларыңызды өтінеміз. Аудандық ішкі істер бөлімінің ғимаратында кезекші прокурордың кабинеті жұмыс жасайды. Сіздер ол жерде қылмыстық қудалау органдарының (тергеушінің, анықтаушының) әрекетіне немесе әрекетсіздігіне қатысты және басқа да сұрақтар бойынша кез-келген уақытта жүгіне аласыздар. Бұл кездесулер, құқықтық түсіндіру жұмыстары алдағы уақыттарда жалғасын табады бірлесе жұмыс жасайық,- деді Айбек Қалқабекұлы.

Сөз алған Алтынемел ауылдық УПИ полиция капитаны Бауыржан Батырханұлы:

-Мен бұл ауылды бір жылдан аса уақыт қызмет атқарып келемін. Аса бір ауыр қылмыс орын алмады, егер де жеке мүлкіңіз жоғалса мал ұрлығы, немесе алаяқтық қылмыс орын алған  жағдайларда қылмыстың ізін суытпай дереу, менің жұмыс орныма, немесе байланыс телефоныма кез-келген уақытта хабарласуларыңызға болады,-деді.

-Біз жұмылған жұдырықтай бірлесіп ауызбірлікте жұмыс атқаруымыз тиіс. Кез-келген жұмыс ауыл әкімшілігі, ауыл учаскелік полицияға ғана емес барлық ауыл тұрғындары бірлесе атсалысуымыз керек. Мал ұрлығы, алаяқтық қылмыс, тағыда басқа құқық бұзушылықтардың бірауыздан алдын алып отырсақ ешқандай қылмыс ұрлық болмайтынына сенімдімін деп,- Алтынемел ауылдық округ әкімі Елемес Әбіләкімұлы сөзін аяқтап отырысты қорытындылады.

                                                                                               Дидар ДИХАНБАЕВ