“AMANAT” партиясы Жетісу облыстық филиалында “Құқықтық көмек” акциясы аясында азаматтарды жеке мәселелері бойынша қоғамдық қабылдау өтті.

Қабылдауға Жетісу облыстық Әділет департаментінің заңгерлері қатысты. Олар азаматтардың сұрақтарына жауап беріп, құқықтық аспектілер бойынша жан-жақты түсіндірулер жүргізді. Әсіресе, қабылдауға келген қала тұрғыны Мұсаханова Мөлдірдің жерін заңдастыру мәселесіне қатысты заң талаптары мен рәсімдер турасында нақты әрі кәсіби кеңестер ұсынылды.

Мұндай қабылдаулар азаматтардың құқықтық сауаттылық деңгейін арттыруға зор үлес қосып, мемлекеттік қызметтерге деген сенім мен ашықтықты нығайтады. Сонымен қатар, ол құқықтық мәселелерді алдын ала анықтауға және тиісті құзырлы органға жедел бағыттауға мүмкіндік береді.

Болашақта да “Құқықтық көмек” акциясы аясындағы қоғамдық қабылдаулар жүйелі түрде жалғасын таба береді деп күтілуде. Бұл шаралар азаматтарға қолжетімді әрі сапалы құқықтық қолдау көрсетумен қатар, әлеуметтік әділдікті қамтамасыз етуге және қоғамдық өмірді тұрақтандыруға маңызды үлес қосатыны сөзсіз.