Жетісу облысында коммуналдық қызметтерге жаңа тарифтер енгізілді
Табиғи монополияларды реттеу департаменті коммуналдық қызметтерді тұтыну нормаларын ескере отырып, жылу және сумен жабдықтау тарифтерін бекітті. Бұл шара энергетика және коммуналдық секторды жаңғыртуға бағытталған ұлттық жоба аясында жүзеге асырылуда.
Жаңа ережелерге сәйкес, жылумен жабдықтауға арналған әлеуметтік лимиттер тұрғын үй алаңына байланысты белгіленді:
• 100 ш.м. дейін – базалық тариф, өзгеріссіз қалады;
• 100–200 ш.м. – тариф 10%-ға артады;
• 200 ш.м. жоғары – орташа босату тарифі қолданылады.
Сумен жабдықтауға байланысты тарифтер төрт деңгейге бөлінді, тұтыну көлеміне қарай:
• Айына 3 текше метрге дейін – базалық тариф бойынша төлем;
• 3–5 текше метр – 20% қымбат;
• 5–10 текше метр – 50% қымбат;
• 10 текше метрден жоғары немесе есептегіші жоқ болса – 100% қымбат.
Дифференциалды тарифтерден түсетін қосымша табыс коммуналдық инфрақұрылымды жаңғыртуға жұмсалады. Олардың мақсатты пайдаланылуын мемлекеттік органдар мен қоғам бақылайды.
Әлеуметтік осал азаматтар үшін тұрғын үй көмегі қарастырылған. 2025 жылы бұл мақсатқа жергілікті бюджеттен 1 229 алушыға 63 млн теңгеден астам қаржы бөлінді.
«Әділ сөз» қорының басшысы Қазақстанның жаңа Конституциясында сөз бостандығы мен шығармашылық еркіндігін қорғау нормаларының бекітілуін жоғары бағалады Жаңа Конституция сөз бостандығымен қатар шығармашылық еркіндікті де қорғайды – Қарлығаш Жаманқұлова Ақпарат тарату құқығы басқа адамдардың құқығы мен қадір-қасиетіне нұқсан келтірмеуі тиіс – «Әділ сөз»
«Сөз бостандығы Конституция преамбуласының жаңа редакциясында жарияланған құқықтың үстемді…
