Абыройымыз асқақтай берсін!
Бұл күн - ата-бабамыздың аңсаған арманның жүзеге асқан, елімізге еркіндік сыйлаған Ұлы күн.
Осындай маңызы бар тарихи думанда еліміздің туы асқақтап, келешегі өркендей берсін. Тәуелсіздік үшін жандарын пида еткен еліміздің жалынды жастарын ұмытпауымыз керек. Бастарын бәйгеге тігіп, бодандықтың құрсауынан шығуға ұмтылған қыршын жастардың ерліктері мәңгі есімізде.
Бостандық пен еркіндіктің бастауы болып табылатын осы бір салтанатты күні бәрімізге бақыт пен шаттық, дәулет пен ырыс тілеймін. Қазақстанның тұрақты дамуы мен кемелденуі жолындағы еңбегіміз табысты, барлық бастамаларымыз сәтті болсын! Қазақ елінің мәртебесі артып, бүкіл әлемге шарықтай берсін. Еліміздің дәулеті, жеріміздің сәулеті жолындағы игілікті ісіміз табысты да жемісті болсын! Барша қазақстандықтарға зор денсаулық, отбасыларына бақыт, толағай табыс тілеймін.
Қазақстан Республикасының Тәуелсіздік күнімен
барша қазақстандықтарды құттықтаймын!
Ләззат Диханбаева,
№49 орта мектебі
