Саяси науқанды тәуелсіз бақылаушылары назарда ұстауда
Ілияс Жансүгіров атындағы Мәдениет сарайында орналасқан №389 референдум учаскесіндегі саяси науқанды «Бақылау қырандары» тәуелсіз бақылаушылары жіті назарда ұстауда.
Аталмыш ұйым өкілі Дәулет Сағынай учаскеде ешқандай заң бұзушылық орын алмағанын алға тартуда.
Таңғы сағат 7-де учаске ашылды. Халық 9-дан өте ағылып келе бастады. Байқауымызша, ешқандай үгіт-насихат жүріп жатқан жоқ. Тұрғындар өз еркімен келіп, саналы тұрғыда дауыс беруде. Еліміз үшін маңызды шешім шығатын жалпыхалықтық референдум саяси үдерісімізді айқындатса керек, — деді тәуелсіз бақылаушы.
Референдум учаскесінің төрағасы Әділжан Ғұмаров әрбір тұрғынның таңдау жасауына жағдай жасалғанын айтуда. Тіпті, мүмкіндігі шектеулі жандарға арнап дауыс беру орны жасақталған.
Дастанбек Садық
Жетісуда себілген жүгерінің шамамен 74% Панфилов ауданына тиесілі
— Жүгері дақылының төңірегіндегі өткен жылғы кездесуде өздеріңіз көтерген екі мәсел…
