Кербұлақ ауданының әкімі «2024 жылдың 1 тоқсанындағы әлеуметтік – экономикалық дамуы туралы» брифингтегі баяндамасы

 

Қайырлы күн, құрметті баспасөз-конференциясының қатысушылары!

Ауданда Мемлекет басшысының кәсіпкерлік саласына жеңілдік жасай отырып, елдің дамуына қадам жасаймыз деген сөзін алға тартып, кәсіпкерлерге жағдай жасап, аталған саладағы жұмыстарды жетілдіру, инвесторлармен тығыз қарым-қатынас орнату, әрі тиімділігін арттыру мақсатында жұмыстар жүргізілуде.

2030 жылға дейін ауданда ауыл шаруашылығы мен металлургия салаларында жалпы құны 1 трлн 316 млрд теңгені құрайтын бірқатар ірі инвестициялық жобаларды іске асыру жоспарланып отыр. Іске асыруға жоспарланған 11 инвестициялық жоба ауданның әлеуметтік-экономикалық дамуына оң ықпалын тигізеді. (7 жоба ауылшаруашылығы саласы бойынша: «Қызылшоқы» ЖШС, ЖК «Тазабеков О.К.», КХ «Абай», ЖК «Әділет», «Agro-zher invest» ЖШС, «Ауыл шаруашылығы дақылдарын көбейту ғылыми өндірістік орталығы» ЖШС, «Агрохолдинг – Жетісу» ЖШС. 2 жоба өнеркәсіп саласы бойынша: «Шоғырландырылған тау-кен құрылыс компаниясы» ЖШС, «Алацем» ЖШС. 1 жоба жүк тасымалдау: «Жетісу Терминал» ЖШС. 1 жоба энергетика саласында «НЭК Жарық Энерго» ЖШС)

Осы жобалар іске асырылса 3519 адам жұмыспен қамтылмақ.

Ауылдың экономикалық-әлеуметтік әлеуетін көтеру үшін жергілікті жердегі кәсіпкерлікті дамыту қажет.

Бұл ауыл тұрғындарының өмір сүру сапасын көтеруге септігін тигізеді.

2023 жылдың 12 айының қорытындысы бойынша ауданның әлеуметтік-экономикалық дамуында оң серпін байқалды.

Ауданымыз үшін 2023 жыл табысты, берекелі жыл болды. Көптеген мәселелер жүйелі шешімін тапты. Барлық салада өсу динамикасы сақталды.

Өнеркәсіп өнімдерінің көлемі 33 млрд. 658 млн. теңгені құрап, өткен жылмен салыстырғанда нақты көлем индексі 2,5%-ға өсті. (2022 жылы 32 млрд 25 млн теңге), (2023 жылдық жоспар – 32 млрд. 800 млн. теңге).

Ауылшаруашылық өнімдерінің көлемі 65 млрд. 116 млн. теңге, нақты көлем индексі 2,2 %-ға өсті. (2022 жылы 62 млрд 248 млн теңге), (2023 жылдық жоспар – 63 млрд. 620 млн. теңге).

Негізгі капиталға тартылатын инвестицияның көлемі 30 млрд. 20 млн теңгеге жетіп, нақты көлем индексі 51,7%-ға орындалды. (2022 жылы 18 млрд 938 теңге), (2023 жылдық жоспар – 25 млрд. 800 млн. теңге).

Құрылыс жұмыстарының көлемі 19 млрд. 569 млн. теңгені құрап, нақты көлем индексі 2,8 есеге ұлғайды. (2022 жылы 6 млрд 896 млн теңге), (2023 жылдық жоспар – 10 млрд. теңге).

Қаржыландырудың барлық көздерінен 13 066 шаршы метр тұрғын үй енгізіліп, 27,5% кем орындалды. (2022 жылы 18 026 шаршы метр), (2023 жылдық жоспар – 16 900 шаршы метр).

Бөлшек тауар айналымының көлемі 11 млрд. 335 млн. теңгені құрап, нақты көлем индексі 0,9%-ға өсті. (2022 жылы 9 млрд. 975 млн. теңге). (2023 жылдық жоспар – 10 млрд. теңге).

2024 жылдың 1 қантарға бюджетке салықтық түсімі 121 пайызға орындалды немесе 6 млрд. 847 млн. теңге салық түсті, жылдық жоспар 5 млрд 658 млн теңге. (2022 ж. – 7 млрд. 449 млн.теңге). Оның ішінде: республикалық бюджетке 2 млрд. 972 млн. теңге аударылды немесе 135,9 пайызға орындалды. (2022 ж. — 4 млрд. 457 млн.теңге). Жергілікті бюджетке 3 млрд. 875 млн. теңге түсті, немесе 112 пайызға орындалды. (2022 ж. – 2 млрд. 992 млн. теңге).

Бюджеттің шығыс бөлігі 2024 жылдың 1 қаңтарына 9 млрд 681 млн теңгені құрап (бекітілген бюджет 9 млрд 686 млн теңге), 99,9 пайызға игерілді. (10 ауылға көше жарығын орнатуға 697 млн теңге, 6 ауылға ауыз су құрылысы мен 19 ағымдағы жөндеу жұмысына 2 млрд 100 млн теңге, 10 ауылға көше жолдарына 1 млрд 586 млн теңге, 3 ауылға көпірлерге жөндеу жұмысына 68 млн теңге).

2024 жылдың 1-ші тоқсанында өнеркәсіптік кәсіпорындарымен өндірілген өнім көлемі 4 млрд. 171 млн. теңгені құрап, (2023 жылы 3 айда – 4 млрд. 457 млн. теңг, 2024 жылдық жоспар – 33 млрд. 900 млн. теңге), нақты индекс көлемі 114,8 пайызға орындалды. Оның ішінде Тау-кен өнеркәсібі 571 млн теңге, өңдеуші өнеркәсібі 3 млрд 410 млн теңге, электр және газбен жабдықтау 213 млн теңге, сумен жабдықтау 48 млн теңге.

Бүгінгі күнге ауданда барлығы 10 өнеркәсіп орны жұмыс істейді. Ауданда бір ірі кәсіпорын («Алацем» ЖШС), екі орташа кәсіпорындар («Жоламан шағыл тас зауыты» ЖШС, Жетісу энерготрейд» ЖШС), жеті кіші кәсіпорындар («Таза СУ» ЖШС, «Теміржол техникаларын жөндеу» ЖШС, «Алматы Темір жол су» ЖШС, «Архарлы ТАС» ЖШС, «Айгере Азия» ЖШС, ШЖҚ «Күреңбел СУ» ЖШС, «Қазақ мыс барлау» ЖШС) жұмыс істейді.

2024 жылдың 3 айында «Alacem» жауапкершілігі шектеулі серіктестігінің үлесі 77,7 пайызды яғни 3 млрд 241,4 млн теңге, заттай 200 мың тонна цемент өндірді. 2023 жылы 3 млрд 299 млн теңге, заттай 200 мың тонна цемент өндірді. (1 тонна цементтін орташа бағасы 21 500 теңге. 50 кг М-400 қаптын бағасы 1150 теңге).

Бөлшек тауар айналымының көлемі 1 млрд. 351 млн. теңгені құрап, 2023 жылдың сәйкес мерзімімен салыстырғанда 68 млн. теңгеге көбейді, нақты көлем индексі 100,0 пайыз болды. (2023 жылы 3 айда – 1 млрд. 283 млн. теңге). (2024 жылдық жоспар – 12 млрд. 760 млн. теңге).

2024 жылғы 1 сәуірге бюджетке 1 млрд. 365 млн. теңге салық түсті, немесе өткен жылдың есепті кезеңімен салыстырғанда 97 пайыз. (2023 жылы 3 айда – 1 млрд. 486 млн. теңге, жылдық жоспары-7 млрд. 816 млн. теңге). Оның ішінде: республикалық бюджетке 429 млн. теңге аударылды, (2023 ж. – 623 млн. теңге). Жергілікті бюджетке 935 млн. теңге түсті, немесе өткен жылдың есепті кезеңімен салыстырғанда 45 пайызға өсті. (2023 ж. – 863 млн. теңге).

Бюджеттің шығыс бөлігі 2024 жылдың 1 сәуірге 732 млн 536 мың теңгені құрап (Бекітілген бюджет 7 млрд 139 мың теңге), 97,3 пайызға игерілді.

Кіші және орта бизнес

Бүгінде аудан көлемінде 3837 шағын кәсіпкерлік шаруашылық субъектісі жұмыс істеуде. Өңірде 375 сауда және қызмет көрсету орындары бар, оның ішінде 236 сауда нысандары, 49 қоғамдық тамақтандыру, 90 тұрмыстық және сервистік қызметтер көрсету орындары бар. Жоғарыда аталған кәсіпорындармен 2024 жылдың қаңтар-наурыз айында 966 млн теңгеге қызмет көрсетілді. Ауданда кіші және орта бизнес саласында 5 699 адам жұмыс істейді.

Ағымдағы жылдың есепті мерзімінде 605 млн теңге салық төлемдері түсіп, (2023 жылы 331 млн теңге) өткен жылмен салыстырғанда 82,4 пайызға өсті.

Құрылыс жұмыстарының көлемі 546 млн. теңгені құрап, 47 пайызға кем орындалды. ( 2023 жылдың 3 айында 1 млрд 91 млн теңге), (2024 жылдық жоспар – 11 млрд. 709 мың теңге).

Қаржыландырудың барлық көздерінен 1972 шаршы метр тұрғын үй енгізіліп, нақты көлем индексі 103,8 пайызға орындалды. (2023 жылдың 3 айында 1900 шаршы метр), (2024 жылдық жоспар – 15072 шаршы метр).

Инвестиция

Жыл басынан аудан экономикасына 4 млрд 733 млн теңге инвестиция тартылды, 2023 жылдың сәйкес мерзіміне қарағанда 2 млрд 111 млн. теңгеге көбейді нақты көлем индексі 180,7 пайыз болды. (2023 жылғы 3 айда – 2 млрд 622 млн теңге) (2024 жылы жылдық жоспар – 24 млрд 814 млн теңге).

(«ШОҒЫРЛАНДЫРЫЛҒАН ҚҰРЫЛЫС ТАУ-КЕН КОМПАНИЯСЫ» ЖШС – 3 млрд. 266 млн. теңге, «Алацем» ЖШС – 18,4 млн.теңге, Казавтожол – 205,5 млн.теңге, жеке тұрғын үй құрылысы – 335,2 млн. теңге, ТОО «QAZAQGEOGRAPHY» – 602,4 млн.теңге, «ЖЕТІСУ ОБЛЫСЫНЫҢ ҚҰРЫЛЫС БАСҚАРМАСЫ»- 19,3 млн.теңге, КЕРБҰЛАҚ АУДАНЫНЫҢ ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БӨЛІМІ – 70 млн.теңге, басқа ұсақ жобалар-216,3 млн теңге).

Аудандағы ірі инвестициялық жоба цемент өндіру зауытының құрылысы іске асырылғанын айта кету керек.

«Алацем» зауытының 47 млрд теңгені құрайтын жобаға 583 адамға жұмыс орнын ашып (жергілікті жұмысшылар 511 адам), жылына 3,9 млрд-тан астам салық аударымдарын жасайды.

Инвестициялық жобаны табысты іске асыру ауданға оң серпін береді.

«Көксай Мұзбел» – бұл Жетісу облысы Кербұлақ ауданының аумағында орналасқан мыс кен орны. Кен орны «Қазақмыс» Корпорациясы» жауапкершілігі шектеулі серіктестігімен бірге «Шоғырландырылған тау-кен құрылыс компаниясы» жауапкершілігі шектеулі серіктестігінің еншілесінде.

«ШОҒЫРЛАНДЫРЫЛҒАН ҚҰРЫЛЫС ТАУ-КЕН КОМПАНИЯСЫ» жаупкершілігі шектеулі серіктестігі (бұрынғы Көксай — Мұзбел ЖШС) қуаттылығы жылына 50 млн тонна руда өңдеп, 860 мың тонна мыс концентратын (оның ішінде 156 мың тонна мыс, концентрат ішінде), 5 мың тонна мыс катодын шығарады. Жобаның құны 1 трлн 300 млрд теңге. Кен байыту комбинатының іске қосылуымен 3300 адамға жаңа жұмыс орны ашылады. Кен байыту комбинаты 2027 жылдың 1 тоқсанына іске қосылады деп жоспарлануда. Қазіргі кезде кен орнының қорын анықтау үшін геологиялық барлау жұмыстары жалғасуда. Сонымен қатар нысанның құрылысының техникалық экономикалық тұжырымдамасы және кеннің бетін аршу жұмыстарын орындау үшін, меншікке құқық беретін құжаттары әзірленуде.

Алдын ала болжам бойынша аталған кәсіпорыннан республикалық және жергілікті бюджеттерге жылына түсетін салық мөлшері 35-45 млрд теңгені құрайды.

Кен орнының ауқымдылығы мен жоспарланған өндіріс көлемін ескерсек, жоба Кербұлақ ауданының әлеуметтік-экономикалық өсуі мен дамуында маңызды рөл атқармақ.

Сондай-ақ, «Шоғырландырылған тау-кен құрылыс компаниясы» жауапкершілігі шектеулі серіктестігі 2022 жылдың желтоқсан айында Сарыөзек ауылының аумағында орналасқан теміржол тұйығын сатып алды. Аталған жобаға 3,5 млрд теңге тартылады (оның ішінде 2023 жылы 1 млрд 109,5 млн теңге).

Алдағы уақытта объектіде «Көксай Мұзбел» кен орнына қажетті инфрақұрылымды құруға арналған материалдық сақтау, жүктер, көлік құралдары, жабдықтар мен құрылыс материалдары жинақталатын қойма құрылысы 2024 жылдың наурыз айында аяқталып іске қосылды.

Нысанның құрылысына 100-ден астам жұмысшы, оның ішінде, Кербұлақ ауданының 15 тұрғыны жұмылдырылған. (Объектінің ауданы – 7,7 гектарды құрайды).

«Жетісу Терминал» жауапкершілігі шектеулі серіктестігі сыйымдылығы 15 темір жол вагонын құрайтын терминалын салу жұмыстары жүргізілуде. Жоба 2024 жылы жүзеге асырылады. Инвестиция сомасы 3 млрд теңгені құрап, 50 адамға жаңа жұмыс орны ашылады.

«Golden Steppe» жауапкершілігі шектеулі серіктестігі жылына 150 мың тонна кен өндіретін Архарлы кен орнында алтын-күміс қорытпасын шығаратын алтын байыту фабрикасын салу жоспарлануда. Алтын байыту фабрикасын салу 2027 жылы іске қосылады деп жоспарлануда. Қазіргі кезде кен орнының қорын анықтау үшін геологиялық барлау жұмыстары жалғасуда. Жобаның құны 6,1 млрд теңге. Болжамды салық төлемдері жылына 640 млн. теңгені құрайды. Іске қосылған кездегі жұмыс орны 55 адам.

Энергетика саласына келетін болсақ, «ALACEM ENERGY» жауапкершілігі шектеулі серіктестігінің 110 киловольттық ұзындығы 14 шақырымды құрайтын әуе электр желілерінің құрылыс жобасы іске асырылуда. 1 млрд теңге инвестиция тартылып жобада 20 адам жұмыспен қамтылған.

Көктал өзенінің бойындағы «Жарық Энерго» жауапкершілігі шектеулі серіктестігінің гидроэлектрстанциясы 3 каскадттан тұрады, жалпы қуаттылығы 37 мегаватт, сметалық құны 27 млрд теңге. Бұл жоба 2021-2026 жылдары жүзеге асырылады.

«Жарық Энерго» жауапкершілігі шектеулі серіктестігінің ГЭС-1.1 су электр станциясының құрылыс-монтаждау жұмыстары басталды. 1-ші каскадының жалпы қуаттылығы 8,6 мегаватты құрайды, инвестиция сомасы 3 млрд 500 млн теңге. Жоба 2024 жылы 4 тоқсанда жүзеге асырылады.

2022 жылы серіктестік негізгі капиталға 1 млрд 325 млн теңге, 2023 жылы 1 млрд теңгенің инвестициясы тартылды.

Жоба іске қосылған уақытта 20 адамды тұрақты жұмыспен қамтиды. (қазіргі уақытта 120 адам жұмыспен қамтылған).

Туризм

Ауданда туристерді қабылдайтын 12 обьект жұмыс істейді, оның ішінде: 11 қонақ үй, 1 аңшылар үйі.

Аудан аумағында туристік қызметті және экскурсиялық маршрут бойынша қызметті жүзеге асыратын «Алтын Емел» мемлекеттік ұлттық табиғи паркі болып табылады.

«Алтын Емел» мемлекеттік ұлттық табиғи паркі 3 туристік бағыт бойынша жұмыс жасайды. Келушілер саны 2023 жылы 14 521 адам, 32,8 млн теңгеге қызмет көрсетілсе, 2024 жылдың 4 айында 5 875 адам қабылдап 5,8 млн теңгеге қызмет көрсетілді.

Туризм саласында қонақ үйлерде қызмет көрсетілген келушілер саны 2 297 адамды , оның ішінде резиденттер 1 859 адам, резидент еместер 438 адам.

Көрсетілген қызметтерден түскен қаржы 35 млн 738 мың теңгені құрап 2023 жылдың ағымдағы уақытымен салыстырғанда 131,3 % орындалды (2022 жылы 27 млн 217 мың теңге.).

Туризм саласына инвестициялар тарту бойынша 2023 жылы «Алтын-Емел» мемлекеттік ұлттық табиғи паркі» аумағындағы «Асемтал» жауапкершілігі шектеулі серіктестігі Визит – орталық құрылысын жүргізді. Жобаның жалпы құны 2 млрд теңгені құрайды. Құрылған жұмыс орны 6 адам. Визит — орталық мақсаты келуші туристтерге ұлттық парк туралы және ондағы туристтік маршруттар туралы ақпарат беріп экологиялық туризмді дамыту мақсатында жарнама дайындау және басқада қызметтер атқарады.

Сонымен қатар, жеке кәсіпкер «Вершки» Көксу ауылдық округінде «Шаңғы» базасын салу және Көксу өзенінде «Рафтинг» демалыс аймағын салу жоспарлауда. Екі жобанық жалпы құны 250 млн теңге. Жұмыс орны 20 адам. Шаңғы базасын салуға 62 гектар жер телімі қарастырылуда. Қазіргі таңда «Рафтинг» демалыс аймағын жүргізуге 1,8 гектар жер беріліп құрылыс жұмыстарын бастауда.

Инвестиция тарту аудан экономикасының өсуінің негізгі мақсаты. Бұл бағытта ауданда қарқынды жұмыстар жалғастырылатын болады.

Ауыл шаруашылық саласы

Ауыл шаруашылығы – біздің өңір үшін аса маңызды сала. Кербұлақ ауданының облыстағы жалпы ауыл шаруашылығы өндірісінің үлесі 9,9 % пайыз.

Биыл 3 айдың ішінде ауданда өндірілген агроөнімдердің көлемі 4 млрд. 264 млн. теңгені құрады, нақты индекс көлемі 101,5 %. Жыл соңына бұл көрсеткіш 67 млрд. 855 млн теңгеге жеткізілетін болады (2023 жылы 3 айда 3 млрд 930 млн теңге).

Мемлекет басшысы өзінің Жолдауында әрқашан ауыл шаруашылығы саласын дамытуға ерекше басымдық беріп, аграрлық кешенінің әлеуетін толық іске асыру керектігін тапсыруда. Бұл ретте, биыл ауданның аграрлық секторына тартылған инвестиция көлемі 9,8 есеге артты.

Кербұлақ ауданында, биылғы жылы егіс алқабы 117 653,4 гектарға жеткізілді. Оның ішіндегі 26 085 гектарына күздік бидай себілді. Қалған 77 401,5 гектар жаздық дәнді дақылдар себіледі. (Соның ішінде: 71 803,5 гектар жаздық арпа, 4686 гектар жаздық бидай, 125 гектар сұлы, 492 гектар дәндік жүгері, 295 гектар қарақұмық себу жоспарланды). (2023 жылы 185 мың тонна астық жиналды. Гектарына 18,5 центнерден алынды)

Ағымдағы жылы: 1 313,4 гектарға картоп, 591 гектарға майлы дақылдар, (оның 486,0 мақсары, 55 гектар күнбағыс дақылы, 50 гектары зығыр, 387,5 гектарға бақшалық дақылдар себу жоспарланды.)

Кербұлақ ауданы облыстағы негізгі астық өндіруші өңірлердің бірі. Биылғы жылы дәнді дақылдар егістігі 103 486,5 гектарға жеткізілді, ауданда егіс көлеміне әртараптандыру жүргізіліп, биылғы жылы қант қызылшасы заманауи технологияны қолдана отырып, 700 гектарға себілді (2023 жылы 25035 тонна зауытқа өткізілді). (Оның 500 гектары Сарыбастау ауылдық округіне қарасты «Қызылшоқы» жауапкершілігі шектеулі серіктестігі, 100 гектары Көксу ауылдық округіне қарасты «Зарина» шаруа қожалығы, 100 гектарға, Абыхан шаруа қожалығы себілді.) Көксу қант зауытына 35 мың тонна қант қызылшасының өнімін өткізу жоспарлануда.

Алайда, су шаруашылығы нысандарының ескіруінен суармалы егістік алқаптарының басым бөлігі тәлімді жер (богара) ретінде пайдаланылуда (4608 га суармалы егістіктің 3158 га, 70%).

2024 жылы Еңкөл, Аралтөбе су қоймаларына күрделі жөндеу жұмыстары жүргізіліп іске асырылды. (1620 гектар жерге көп жылдық шөп егілді). Жаманбұлақ, Талдыбұлақ, Матай су тоғандарына күрделі жөндеу жұмыстары жүргізілуде.

Келесі кезеңде Аралтөбе, Онжас, Қоғалы, Бастау, Қарлығаш, Қызылмектеп, Шымылдық, Майтөбе, Ақтөбе, Түлкілі суару каналдарының 135 шақырымын қайта жаңарту көзделуде, облыстық бюджеттен 136 млн. теңге қаражатқа жобалау – сметалық құжат әзірленуде. Мердігер «Гидротехник Жоба» жауапкершілігі шектеулі серіктестігі.

Бұл шаралар жалпы аумағы 9515 гектар суармалы жерді айналымға енгізуге мүмкіндік береді.

Оның сыртында, аудан бойынша қант қызылшасының алқабын ұлғайту мақсатында Жоламан ауылдық округінен «Ақбастау» жауапкершілігі шектеулі серіктестігі 48 гектарға, «Қызылшоқы» жауапкершілігі шектеулі серіктестігі 500 гектарға тамшылатып суғару технологиясын енгізіп, қант қызылшасын екті.

Сонымен қатар Шанханай ауылдық округінен «Мусаевтар» шаруа қожалығына 80 гектарға, «Рауан» шаруа қожалығына 90 гектарға жаңбырлатқыш машиналар (5- фрегат) сатып алынып, бүгінгі күні қолданысқа берілді.

Сонымен қатар, Мемлекеттік ауылшаруашылығын қаржылай қолдау қоры арқылы 14 шаруа қожалығы 257 млн.теңге несие алды және ауыл шаруашылығы тауар өндірушілерін техникамен қамтамасыз етуге қажетті қолдаулар көрсетілуде.

Мал шаруашылығында есепті кезеңде өндірілген ет, сүт және жүн мен жұмыртқа өндірісі айтарлықтай ұлғайды.

Өндірілген өнім: ет –1473 мың тонна 104% (2023 жылы 3 айда 1417 мың тонна, 2023 жылдық жоспар 15543 мың тонна), сүт – 8 908 мың тонна 100,1% (2023 жылы 3 айда 8898 мың тонна, 2023 жылдық жоспар 47469 мың тонна), жұмыртқа – 1133,7 мың дана 100% (2023 жылы 3 айда 1133 мың дана, 2023 жылдық жоспар 8931 мың дана).

Жалпы ауданымызда 226 мал қыстауы бар, жайылым алқабы: мұнда 9 998 бас ірі қара, 55 425 қой-ешкі, 3125 бас жылқы қыстайды. Бұл дегеніміз жалпы шаруа қожалықтар малының 63-64 пайызын құрайды.

Барлық қыстаулар мал ішетін су тоғандарымен және құдықтармен қамтамасыз етілген, күн қуатынан алынатын электір желілері орнатылған. Орташа мал қыстау мерзімі -120 күнді қамтиды.

Ауданда 9 мал бордақылау алаңдары (1090 бас) мен 7 тауарлы сүт фермалары (950 бас) жұмыс жасайды.

Кербұлақ ауданы бойынша мал басы: мүйізді ірі қара саны 57 327 бас (2023 жылы 3 айда 56 022 бас, 2023 жылдық жоспар 59 883 бас), ұсақ мүйізді мал басы саны 270 629 бас бас (2023 жылы 3 айда 249 417 бас, 2023 жылдық жоспар 269 452 бас), жылқы 25 196 бас бас (2023 жылы 3 айда 23 531 бас, 2023 жылдық жоспар 23 801 бас), шошқа 432 бас бас (2023 жылы 3 айда 513 бас, 2023 жылдық жоспар 425 бас), түйе 33 бас бас (2023 жылы 3 айда 31 бас, 2023 жылдық жоспар 33 бас), құс 48 905 бас бас (2023 жылы 3 айда 52 595 бас, 2023 жылдық жоспар 68 588 бас) тіркелеген.

Ауыл шаруашылығы өнімін артыру бағытында ауыл шаруашылығы кәсіп орындары және шаруа қожалықтарымен тиісті жұмыстар жүргізілуде.

Жерді мемлекеттік меншікке қайтару бойынша

Бүгінгі таңда Кербұлақ ауданының жер қоры 1 149 301 гектарды құрайды, атап айтқанда:

Ауыл шаруашылығы мақсатындағы жерлердің ауданы 525 388 гектар құрайды, оның ішінде егістік – 126 222 гектар көпжылдық екпелер – 115 гектар, шабындықтар – 5 534 гектар, тыңайған жерлер – 7 584 гектар, жайылымдар – 381 136 гектар, басқадай жер – 4 797 гектар.

Ауданның шаруашылық жүргізуші субъектілерінің саны – 2 396

шаруа қожалықтары – 2 345:

жауапкершілігі шектеулі серіктестігі – 51:

Елді мекендердің жерлері – 107 921 гектар.

Өнеркәсіп жерлері – 5 085 гектар.

Ерекше қорғалатын табиғи аумақтар – 234 271 гектар.

Орман қорының жері – 103 655 гектар.

Босалқы жер қоры – 171 097 гектар.

Жайылымдық жерлерге қолжетімділігін арттыру

Ауданда жалпы көлемі 103 мың 500 гектарға ұлғайту жұмыстары жүргізілді. Бүгінгі күні ауылдардың жайылым жерлерінің межелік белгілерін бекіту жұмыстары жүргізілуде.

Пайдаланбай жатқан немесе мақсатына сай пайдаланылмаған жерлердің 2023 жылы жалпы 27 634 гектары мемлекет меншігіне қайтарылды. 2024 жылы 9800 гектар жер мемлекет меншігіне қайтарылды,(Жылдық жоспар 10 мың гектар).

Ауыл аманаты бойынша

Ағымдағы жылда ауыл аманаты жобасы бойынша «ЖЕТІСУ» ӘЛЕУМЕТТІК-КӘСІПКЕРЛІК КОРПОРАЦИЯСЫ» ӨҢІРЛІК ДАМУ ИНСТИТУТЫ» акционерлік қоғамы арқылы 25 адамның құжаты өтті. Оның ішінде 23 адам 179 млн 300 мың теңгеге мал шаруашылығы бағытында, 2 адам 18 млн 400 мың теңгеге басқа бағытта құжаты өтті.

Анықтама

Ауыл аманаты жобасы бойынша Кербұлақ ауданы бойынша 2023 жылы жалпы аудан бойынш 52 адамның несиесі мақұлданып 271 млн 552 мың теңге бөлінген. 52 адамның 48-і мал шаруашылығын қалған 4-і басқа бағытта бизнестерін дамытып отыр.

«Аграрлық несие корпорациясы» АҚ-ның бағдарламалары шеңберінде көктемгі дала жұмыстарына несие беру, сондай-ақ ауыл шаруашылығы техникаларын лизингке беру туралы.

Аудан бойынша 2024 жылға «Агробизнес» бағдарламасы бойынша 15 адам 313 млн теңгесі мақұлданып, 41 млн теңге қаражат қарастырылу сатысында.

Кербұлақ ауданы бойынша жыл басынан 375 млн 553 мың теңгеге 17 дана ауыл шаруашылығы техникасы сатып алынды. Оның ішінде: 16 — трактор, 1 — жол құрылыс техникасы. 2023 жылы машина-трактор паркін жаңарту бойынша жыл басынан бері 1 млрд 535 млн теңгеге 62 бірлік ауыл шаруашылығы техникасы сатып алынды (48-трактор, 3-комбайн, 4-жол-құрылыс техникасы, 7-басқа техника).

Лизинг компаниялары арқылы 146 млн 130 мың теңгеге 11 дана ауыл шаруашылығы техникасы сатып алынды.

Кең дала 2 бағдарламасы бойынша 210 млн 676 мың теңгеге 13 шаруа қожалығы өтінім берді.

Біздің мақсатымыз – агроөнеркәсіп кешеніндегі еңбек өнімділігін 2,5 есеге арттыру, халықты тұрақты табыс көзімен қамту, азық-түлік қауіпсіздігін қамтамасыз ету болып табылады.

Өңір тұрғындарының әлеуметтік мәселелерін шешу жергілікті атқарушы органдар үшін бірінші орында тұрады. Бұл ретте жұмыс халықпен тиімді диалог және «Жаңа Қазақстан» тұжырымдамасында Мемлекет басшысы Қасым-Жомарт Кемелұлы белгілеген міндеттер негізінде жүргізіледі.

Ауданымыздың әлеуметтік-экономикалық дамуында жақсы нәтижелерге қол жеткізіп жатырмыз. Алдағы күндер еншісінде әлеуетті стратегиялық маңызы зор жоспарлармен жобалар бар, оларды жүзеге асыруға бар күш жігерімді саламын.

Баяндама аяқталды. Назарларыңызға рахмет.

Сұрақтарыңызға жауап беруге дайынмын.