Егемендігімізді дәріптеп, тәуелсіздігімізді ұлықтайтын күн
Еліміздің маңызды мерекелерінің бірі – Республика күні мерекесі. Деректерге сүйенсек, 1990 жылы қазан айының 25-і күні Қазақ КСР Жоғарғы Кеңесінің шешімімен «Қазақ КСР-нің мемлекеттік егемендігі туралы» декларация қабылданды. Сол сәттен бастап-ақ егеменді Қазақстан өзіндік көзқарасы бар жеке мемлекет ретінде таныла бастады.
Қазақстан Республикасының Президенті Қасым-Жомарт Тоқаев: «Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек…» деген болатын. Бұл мереке — егемендігімізді дәріптейтін, тәуелсіздігімізді ұлықтайтын күн. Болашақта өзіндік ерекшелігімен тарихта қалатын ұлық мереке болмақ.
Республика күні мерекесімен барша қазақстандықтарды құттықтаймын. Еліміздің іргесі бүтін, шаңырағы биік болсын. Ауызбірлік пен ынтымақты ту еткен барша қазақстандықтардың татулығы ажырамасын, бай-қуатты болуына шын жүректен тілектеспін.
Айнаш Қасенова
Мемлекет басшысы Қасым-Жомарт Тоқаев Премьер-Министрге, Президент Әкімшілігінің Басшысына және күштік құрылымдардың жетекшілері мен барлық әкімдерге Украина төңірегіндегі жағдайдың ушығуына байланысты негізгі әскери және азаматтық нысандардың қауіпсіздігі
Парламент палаталарының төрағалары қабылданып жатқан іс-қимыл туралы хабардар етілді. През…
