5 қарашада Жамбыл және Балқаш аудандары әкімдерін сайлау өтеді
Алматы облыстық мәслихатының шешімімен Балқаш және Жамбыл аудандарының әкімдерін сайлау пилоттық режимде жүзеге асырылады. Қос өңірде сайлау өткізу күні 2023 жылғы 5 қарашаға белгіленді. Бұл туралы Алматы облысының аумақтық сайлау комиссиясының төрайымы Мейрамгүл Айтова өңірлік коммуникациялар қызметінің ақпарат алаңында баяндады.
Брифинг барысында маман кандидаттарға қойылатын талаптармен таныстырды.
Бірінші талап – кандидаттың міндетті түрде жасы 25-тен жоғары болуы тиіс. Екінші – оның мемлекеттік қызметте жұмыс істеуі міндетті емес. Яғни, кез-келген салада қызмет еткен азамат өзінің кандидатурасын ұсына алады. Кемінде 50 адамы бар ұжымды 2 жыл басқарған болуы тиіс.
Кандидаттарды тіркеу 15 қыркүйекте басталып, сайлаудың өзіне 30 күн қалғанда, яғни 5 қазанда аяқталады.
Спикердің айтуынша кандидаттар саяси партиялар арқылы және де өзін-өзі ұсыну арқылы тіркеле алады.
Қазіргі таңда Жамбыл ауданы бойынша 2, Балқаш ауданында 6 кандидат ұсынылып отыр.
“Дауыс беру сайлау күнi 5 қарашада жергiлiктi уақытпен сағат 07.00-ден 20.00-ге дейiн өткiзiледi .Сайлау қорытындыларын ауданның аумақтық сайлау комиссиясы үш күн ішінде белгілейді. Басқа кандидаттармен салыстырғанда дауыс беруге қатысқан сайлаушылардың көп дауысын жинаған үміткер әкім болып саналады”,- дейді Мейрамгүл Айтова
Айта кетерлігі, Балқаш ауданында 23 сайлау учаскесі, 18446 сайлаушы бар. Ал, Жамбылда 77 сайлау учаскесі, 105 895 сайлаушы бар. Бұл дегеніміз 5 қарашадағы сайлау 100 сайлау учаскесінде өтеді деген сөз.
Мемлекет басшысы Қасым-Жомарт Тоқаев Премьер-Министрге, Президент Әкімшілігінің Басшысына және күштік құрылымдардың жетекшілері мен барлық әкімдерге Украина төңірегіндегі жағдайдың ушығуына байланысты негізгі әскери және азаматтық нысандардың қауіпсіздігі
Парламент палаталарының төрағалары қабылданып жатқан іс-қимыл туралы хабардар етілді. През…
