Балалардың көру қабілетін қалай қорғауға болады?

Адам көру мүшесі арқылы сыртқы ортаны танып, зерттеп отырады. Сыртқы ортадан қабылдайтын ақпараттың 80-90% -ы көру мүшесі арқылы болады. Бұл көру сезім мүшесінің маңызының ерекше екенін дәлелдейді.

Казіргі таңда балалар арасында көз аурулары көптеп тіркелуде. Мәселен, облыс бойынша 2025 жылы жүргізілген тереңдетілген медициналық тексерудің қорытындысы нәтижесінде мектеп оқушылары арасында көз және оның қосалқы аурулары бірінші орынды алады.

ДДҰ мәліметтері бойынша, ең көп таралған көз ауруларының негізгі факторларының бірі Миопия деп атауға болады, ол бөлмеде ұзақ уақыт болғаннан, жақын орналасқан заттармен өзара әрекеттесуге байланысты (компьютер, ұялы телефондар, планшеттер және т.б.) және үлкен визуалды жүктемелерден туындайды. Ашық ауада көп уақытты өткізу, осы қауіпті төмендетуі мүмкін.

Санитариялық қағидаларға сәйкес мектепалды сыныптарында және мектептерде тікелей бейнетерминалмен, дербес компьютермен, планшетті дербес компьютермен және ноутбуктермен сабақтардың үзіліссіз ұзақтығы оқу сағаты ішінде мыналарды құрайды:

1) мектепалды, мектепке дейінгі топтарда/сыныптарда және 1 сыныптарда — 15 минут;

2) 2-3 сыныптарда — 20 минут;

3) 4-5-сыныптарда — 25 минут;

4) 6-8 сыныптарда — 25 минут;

5) 9-11(12) сыныптарда — 30 минуттан аспайды.

• Компьютерлермен және ноутбуктермен тікелей жұмыс істеу ұзақтығын 2 сағаттан асырмау қажет;
• Жұмыс кезеңінде профилактикалық іс-шаралар жүргізу: әр 20-25 минут сайын көзге арналған жаттығулар және үзіліс кезінде 45 минуттан кейін дене шынықтыру үзілісін жасау.
• Оқу техникасын сақтау;
• Жатуға, өте жақын немесе үлкен қашықтықта оқуға жол берілмейді;
• Қәріп үлкен және анық болуы тиіс;
• Көз ауруларының алдын алу үшін көз гигиенасын сақтау керек (қол гигиенасын сақтауды ұмытпаңыз: ластанған саусақтарыңызды көзіңізге тигізбеңіз немесе уқаламаңыз, осылайша сіз инфекциядан аулақ боласыз, нәзік тіндерге зақым келтірмейсіз және көз айналасында тітіркенуді тудырмайсыз; жеке сүлгімен сүртіңіз).

Көру қабілетінің бұзылуының алғашқы белгілері пайда болған кезде дереу офтальмолог дәрігерге жүгіну қажет!

Самат Ахметов,

Жетісу облысы СЭБД басшысының орынбасары.