Ернат Бәзіл референдум күні дүниеге келген сәбилердің аналарын құттықтады

Бүгін Талдықорған қаласының әкімі Ернат Бәзіл референдум күні дүниеге келген сәбилердің аналарына арнайы барып, құттықтап, сый-құрмет көрсетті.

Қала әкімі жас босанған аналардың жағдайын сұрап, еліміз үшін маңызды күні өмірге келген сәбилерге ақ тілегін білдірді.

«Бүгін еліміз үшін маңызды күндердің бірі. Осындай тарихи күні дүниеге келген сәбилер ертең елге қызмет ететін азамат болып өссін. Аналарымызға зор денсаулық, отбасыларына бақ-береке тілеймін», – деді қала әкімі Ернат Бәзіл.

Жас аналар да қала әкімінің арнайы келіп, қуаныштарымен бөліскеніне ризашылықтарын білдірді.

«Мен, Есімхамбет Жанеля, еліміз үшін маңызды күні үшінші перзентімді дүниеге әкелдім. Бұл біздің отбасымыз үшін ерекше әрі қуанышты сәт. Қала әкімінің арнайы келіп құттықтап, жылы лебізін білдіргеніне үлкен алғыс айтамыз. Ұлым ер жетіп, елінің абыройлы азаматы болады деп сенемін», – деді жас ана.

Айта кетейік, бүгін референдум күні облыс орталығы Талдықорған қаласында 8 сәби дүниеге келді. Олардың алтауы қыз бала, екеуі ұл бала.