ЖАҢА КОНСТИТУЦИЯ ЖОБАСЫ – бүгінгі өзгеріс, ертеңгі даму!

Қазақстанның жаңа Конституциясы – іргелі реформалардың шырқау шыңы. Бұл – Президентіміздің жылдар бойғы ой-толғамдарының жемісі. Халықтың мұң-мұқтажы, талап-тілегі мен үміт-сенімі ұштасқан тарихи құжат. Сонымен қатар, жаңа жобада  — адам, оның қадір-қасиеті, құқықтары мен жеке жауапкершлігі қарастырылған. Дәстүр, бірлік пен рухани құндылықтар қоғамның орнықты дамуының негізі ретінде айқындалған.

Жаңа Конституция – әртүрлі әлеуметтік топтар мен мүдделерді,  өңірлерді бір шаңырақ астына топтастырып, тұтас әрі берік құрылымға айналдыратын ортақ негіз.

Жаңа Конституцияда – қоғам мен биліктің халық алдындағы жауапкершілігі, халық тікелей Тәуелсіздіктің иесі екендігі, Конституцияға кез келген түзету тек халықтық референдум арқылы жүзеге асатыны, заң, тәртіп және сенімге басымдық берілгені туралы нақты айтылған.

Сондай-ақ, жаңа билік институттары – конституциялық сот, Құрылтай (ұлттық кеңесші-өкілдік институт), Вице-Президент лауазымы қарастырылып отыр.

Заманға сай, ұлттық сипатта, адамды басты құндылық деп тануды, тарихи тамыры терең ұлттық бірегейлікті басты бағытта ұстаған жаңа Конституция жобасы — рухани-мәдени кемелденуді, мемлекеттің ішкі нығаюын және адам құқықтарын мүлтіксіз қорғауды көздейді. Бұл құжат геосаяси жағдайларда Қазақстанның демократиялық дамуын, тіл мен дәстүрді сақтап, жасанды интеллект дәуіріндегі технологиялық ілгерілеуді біріктіруге бағытталған.

Жаңа Конституция жобасы – еліміздің дамуына жаңа серпін беріп, әрбір азамат үшін ашық орта қалыптастыруға негізделген маңызды қадам болып табылады. Жаңа Конституция жобасын талқылау – әрбір азаматтың ортақ ісі. Себебі Ата Заң – мемлекет дамуының басты бағытын айқындайтын негізгі құжат.

«AMANAT»  партиясы Кербұлақ аудандық филиалының консультанты

Маржан Мекетай