Халықтар достығы – тұрақтылық негізі

Қазақстан – көпұлтты мемлекет, жүзден астам этнос өкілдері тату-тәтті өмір сүріп келеді. Әрбір этностың өзіндік тарихы, мәдениеті мен дәстүрі бар. Бұл ерекшеліктерді сақтап, дамыту – елдің бай рухани қазынасына айналып отыр. Этностар арасындағы бірлік пен келісім – жай ғана ұран емес, ол – мемлекеттің тұрақтылығы мен өркендеуінің басты шарты. Себебі, егер қоғамда алауыздық орын алса, кез келген жетістік баянды болмайды. Ал өзара түсіністік, достық пен сыйластық болса, ел ішінде татулық орнап, ортақ мақсаттарға қол жеткізу жеңілдейді. Қазақстанда этностардың тең құқығын қамтамасыз ететін заңнамалық негіз бар, бұл әрбір азаматтың өз тілін, мәдениетін сақтап, сонымен бірге ортақ құндылықтарға үлес қосуына жол ашады. Сондықтан этносаралық келісім – біздің басты байлығымыз, болашақ ұрпаққа қалдырар ең асыл мұрамыз.

Аудандық ардагерлер ұйымының төрағасы Рысбеков Бөкен Қабиұлы