Этносаралық татулық – Конституциямыздың 30 жылдық жетістігінің кепілі

Қазақстанның негізгі заңы – Конституциясы қабылданғанына биыл 30 жыл толып отыр. Бұл тарихи құжат елдің саяси, құқықтық және әлеуметтік дамуының берік іргетасы болды. Конституциямызда бекітілген «қоғамдық келісім мен саяси тұрақтылық» қағидаты – этносаралық татулықтың басты тірегі. Елдегі түрлі ұлт өкілдерінің бір шаңырақ астында тату-тәтті өмір сүруі, өз тілін, мәдениетін сақтап, дамыта алуы – осы конституциялық нормалардың жемісі. Тарих көрсеткендей, бейбітшілік пен келісім – кез келген мемлекеттің өркендеуінің басты алғышарты. Сондықтан біз, Қазақстан халқы, татулық пен өзара сыйластықты сақтап, оны болашақ ұрпаққа аманаттауымыз қажет. Конституцияның 30 жылдығы – тек мерейлі дата емес, ол – этносаралық достықты нығайту жолындағы ортақ жетістігіміздің символы.

Кербұлақ ауданының аналар кеңесінің төрайымы Ақбасова Ғалия Ниязқызы