22.07.2025

Жетісуда жарты жылда 61 құқықбұзушылық тіркелді

Жетісу облысының мемлекеттік Еңбек инспекциясы департаменті тарапына жарты жыл ішінде азаматтардан 300-ден астам өтініш тіркеліп, қаралды. Атап айтсақ, талап-тілектер еңбек құқығы, еңбек даулары, жұмыс берушілердің заңсыз әрекеттері, қауіпсіздік мен еңбекті қорғау талаптарының сақталуы мәселелеріне қатысты болды. Сондай-ақ, Еңбек кодексінің баптарын түсіндіруді сұраған өтініштер де аз болмады.

22.07.2025

0 27

Еңбек заңнамасы: Жетісуда жарты жылда 61 құқықбұзушылық тіркелді

Азаматтардың арыз-шағымдары негізінде 56 тексеріс жүргізіліп, нәтижесінде 61 заңбұзушылық фактісі анықталды. Оның 55-і – еңбек заңнамасының, 6-уы – еңбек қауіпсіздігі мен еңбекті қорғау талаптарының бұзылуына қатысты.

Тексеріс нәтижесінде облыс бойынша 14 кәсіпорында 266 жұмыскерге 120 млн теңге көлемінде жалақы бойынша берешек бар екені анықталып, бұл сома толық көлемде өтелді. Жұмыс берушілерге қатысты еңбек заңнамасын бұзғаны үшін 3 млн-нан астам теңге көлемінде әкімшілік айыппұл салынды. Барлық айыппұл мемлекет пайдасына өндірілді.

Департаменттің мәліметінше, еңбек заңнамасының жиі кездесетін бұзушылықтары – жалақыны уақытылы төлемеу, еңбек шартын жасаспай жұмыс күшін пайдалану, еңбек жағдайларының талапқа сай болмауы және өндірістік жарақаттардың орын алуы.

Сонымен қатар облыс аумағындағы ұйымдар мен кәсіпорындарда еңбек қызметіне байланысты 12 жазатайым оқиға тіркеліп, 13 жұмыскер түрлі деңгейде зардап шекті.

Еңбек инспекциясы департаменті өкілінің айтуынша, азаматтар еңбек құқығының бұзылуына байланысты жағдай орын алса, E-otinish сервисі немесе департаментке жазбаша арыз-шағым түсіре алатындарын жеткізді.

Бұдан бөлек, шет елден келіп жұмыс істейтін мигранттардың да еңбек құқығын қорғау мақсатында Жұмыспен қамту басқармасының жанында шетел күшін пайдалануды қарастыратын комиссия құрылған. Мұнда шет елден келген мигранттарды жұмысқа орналастыру, еңбек шартын рәсімдеу жүргізіледі. Сол арқылы еңбек құқықтары да қорғалмақ.