Жүргізушілер назарына: Әкімшілік құқық бұзушылық туралы Кодекске маңызды өзгерістер күшіне енді

Жол-көлік оқиғасы (ЖКО) және материалдық залал (610-бап)

Бұрын: 20 АЕК (78 640 теңге) айыппұл немесе 6 айға жүргізуші куәлігінен айыру болатын.

Жаңа өзгеріс бойынша: Жүргізуші куәлігінен айыру алынып тасталды, тек айыппұл салынады. Егер 7 күн ішінде төленсе, айыппұл 39 320 теңге болады.

Қысқартылған іс жүргізуге прокурордың наразылығы бойынша 1 жыл ішінде шағымдануға болады.

Қайталанған жол көлік оқиғасы немесе жеңіл дене жарақаты (610-бап, 2-бөлім)

Егер жүргізуші бір жыл ішінде қайталанған ЖКО жасаса немесе жеңіл дене жарақатын келтірсе:

🔹 40 АЕК (157 280 теңге) айыппұл немесе

🔹 9 айға жүргізуші куәлігінен айыру.

Бұл жағдайда 50% жеңілдік қолданылмайды.

Қарсы қозғалыс жолағына шығу (596-бап)

📌 Жаңа 3-1 бөлік:

Қарсы қозғалыс жолағына шығу – 30 АЕК (117 960 теңге) айыппұл.

📌 Жаңа 4-1 бөлік:

Егер қарсы қозғалыс жолағына шығу материалдық залал келтірсе – 9 айға жүргізуші куәлігінен айыру.