25 Қазан Республика күні құтты болсын!
Құрметті аудан тұрғындары Республикамыздың әр азаматы үшін айтулы мереке Республика күнімен Сіздерді шын жүректен құттықтаймын!
Республика күні — бұл еліміздің ең алғаш өз алдына егеменді, тәуелсіз, зайырлы мемлекет болып жариялауына декларация қабылданған күн. Осы декларацияның арқасында біз кеңестік заңдарды қолданудан бас тартып, өз ата заңымызды құруға қадам бастық. Осы қағидаттардың негізінде 1991 жылы 16 желтоқсанда «Қазақстан Республикасының мемлекеттік тәуелсіздігі туралы» Конституциялық заң қабылданды. Қазіргі уақытта Қазақстан көптеген елдермен терезесі тең, елдік рәміздері анық, мәртебесі беделді мемлекет. Елімізде халықтар достығы да жақсы сақталып келеді. Ел бірлігін сақтауда татулықтың үлкен байлық екендігін түсініп, туған мемлекетіміздің тәуелсіздігін баянды етуге, қуатын арттыруға, халықаралық қоғамдастықта абыройының өсуіне адал қызмет етуге парыздармыз.
Ғасырлар бойы аңсап, түрлі қиындықтардың арқасында Тәуелсіздікке қол жеткізген қазақ елінің құқықтық мемлекет болып жарияланған күні, яғни Республика күні баршаңызға құтты болсын. Көк туымыз көгімізде желбіреп, әнұранымыз шырқалып, елтаңбамыз төрімізде жарқырап жүзіміз күлімдеп, күніміз сәттілікке толы, қуанышты болып өте берсін!
Сіздерге мықты денсаулық, отбасыларыңызға бақыт, сәтті күндер, үлкен жетістіктер тілеймін.
Жетісу облысындағы жастар арасында нашақорлыққа қарсы іс-шаралар кешені ұйымдастырылуда
Жастардың бойына адамгершіліктің асыл қасиеттерін сіңіру, адам құқықтары мен бостандықтары…
