БАРШАҒА ОРТАҚ ІС
Тәуелсіз тарихымыздың жаңа парағын ашқалы тұрған осы шақта Қазақстанның азаматы ретінде үн қосу, дауыс беру баршаның ортақ ісі. Бұл дүниеден қалыс қалуға бола ма? Әрине, жоқ. Ел талқысына түскен, халқының шешімімен ғана жүзеге асатын дүниеден сырт қалу, елдікке, сол елдің ертеңіне бей-жай қарау деген сөз.
Мен де таңмен таласа тұрып, ел азаматы ретінде өз дауысымды бердім. Өнер мен өмір жолында ғұмырымыз, тұғырымыз ортақ болған аяулы жарым, Қазақстанның Халық әртісі Алмахан Кенжебекова екеуміз Талдықорған қаласындағы №420 дауыс беру учаскесіне өз таңдауымызды жасадық.
Осы орайда сахна саңлағы, өнер адамы ретінде бір дүниені ашық айтқым келеді. Елдің алқауынан қуат алып арқаланған, халық шарапаты мен шұғыласына шомған соң жұрттың баласына айналдық. Сол ақеділ көңілді, ақкөкірек, жомарт қазақтың перзентіміз деп мақтанамыз, марқаямыз. Дәл осы шақта орайы келген ойды тарқатудың еш әбестігі жоқ деп санаймын. Ол – Президент саясаты. Не үшін Президент Қасым-Жомарт Тоқаевтың саясаты деп отырмын, өйткені көреген басшымыз күні кешегі Жолдауында Атом электр стансысын салу, салмауды елдің талқысына тастады. Халық референдум арқылы Отанымызда Атом электр стансысы салына ма, салынбай ма өзі шешеді. Бұл деген «Елім нені қалайды сол жолмен жүреміз. Кез келген келелі мәселені жалпыхалықтың науқан арқылы анықтаймыз» деген сөз емес пе?! Ендеше, сарабдал саясатты, жалпыхалықтың референдумды түсініп, әрбір адам бұл науқаннан қалыс қалмауы керек деп санаймын.
Кендебай ТЕМІРБАЙҰЛЫ,
ҚР Еңбек сіңірген қайраткері,
Б. Римова атындағы Талдықорған драма театрының актері
«Әділ сөз» қорының басшысы Қазақстанның жаңа Конституциясында сөз бостандығы мен шығармашылық еркіндігін қорғау нормаларының бекітілуін жоғары бағалады Жаңа Конституция сөз бостандығымен қатар шығармашылық еркіндікті де қорғайды – Қарлығаш Жаманқұлова Ақпарат тарату құқығы басқа адамдардың құқығы мен қадір-қасиетіне нұқсан келтірмеуі тиіс – «Әділ сөз»
«Сөз бостандығы Конституция преамбуласының жаңа редакциясында жарияланған құқықтың үстемді…
