Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты биылғы Жолдауын спортшылар қауымы да жылы қабылдап, еліміздің даму айдынындағы ауқымды істерге, іргелі жоба-жоспарларға көз жүгіртті. Жолдау өзегіне айналған әр бағыттың салмағы зор, мемлекет үшін, халық үшін маңызды мәселе. Сонымен қатар, Мемлекет басшысы 6 қазанда республикалық референдум өткiзу туралы Жарлыққа қол қойды. Референдум алдында АЭС салу туралы көп айтылып жатыр. Сала мамандарының пікірі әр қырынан келіп, бір арнаға құйылуда. Жұртшылық бұрындары атом дегенге үрке қараушы еді, кәсіби тұрғыдан түсіндірудің арқасында АЭС-тің еліміз үшін аса қажет екеніне көз жеткізіп келеді. Бізде халықтың шешімі маңызды. Елдің ертеңін, ұрпағымыздың бақуаттылығын ойласақ, игі бастамаға парасаттылықпен үн қосайық.

Е.Тажибаев, «Кербұлақ жастары» орталығының жетекшісі