Жетісу облысында электр тарату желілерінің 87,2% тозған
Жетісу облысында 13,7 мың км электр тарату желілері және 2,6 мың қосалқы станция бар. Желілер мен жабдықтардың 90%-дан астамы «ТАТЭК» АҚ меншігіне тиесілі, олардың 87,2%-ға тозған. Желілер мен жабдықтардың тозуын азайту үшін 2023 жылдан 2029 жылға дейін «Тарифті инвестицияға айырбастау» бағдарламасы бойынша 11,8 млрд теңге инвестицияланады. Осындай ақпаратпен Жетісу облысы энергетика және тұрғын үй-коммуналдық шаруашылық басқармасының басшысы Айдос Бекетаев Журналистер үйінде өткен баспасөз-мәслихатында бөлісті.
2024 жылы 90 шақырым электр желісін салу және қайта жаңғырту, сондай-ақ Алакөл ауданында құны 10,3 миллиард теңге болатын жаңа Ақши қосалқы стансасының құрылысын бастау жоспарлануда.
Жетісу облысының 358 елді мекенінің 325-і орталықтандырылған сумен жабдықтауға қол жеткізе алады. Пайыздық көрсеткішпен есептегенде 90,7-ге жетті.
2024 жылы сумен жабдықтау жүйелерін салу және реконструкциялау бойынша 9 жоба іске асырылуда. Оның ішінде су құбырларын пластикалық құбырларға толық ауыстыру, жаңа ұңғымаларды бұрғылау және су қабылдағыштар салынуда.
Сондай-ақ, өңірде газдандыруды едәуір кеңейту жоспарлануда: облыстың 358 елді мекенінің 192-сі 2030 жылға дейін табиғи газға қосылатын болады. Қазіргі уақытта газдандыру деңгейі 47,6 пайыз. Бұл 333,5 мың адам газға қол жеткізген 37 елді мекенді қамтиды.
Жетісу облысындағы жастар арасында нашақорлыққа қарсы іс-шаралар кешені ұйымдастырылуда
Жастардың бойына адамгершіліктің асыл қасиеттерін сіңіру, адам құқықтары мен бостандықтары…
