Кербұлақ ауданында 11 инвестициялық жоба іске асады

2024 жылдың 23 мамыр күні Жетісу телеарнасында аудан әкімі Қанат Болатұлы Есболатовтың және БАҚ өкілдерінің қатысуымен баспасөз алаңы өтті. Баспасөз алаңында аудан әкімінің 2023 жылдың қорытындысы бойынша Кербұлақ ауданының әлеуметтік-экономикалық дамуы тұрғысынан атқарылып жатқан жұмыстар туралы баяндамасы тыңдалды. 2030 жылға дейін Кербұлақ ауданында 11 инвестициялық жоба іске асады. Құны 1 трлн 316 млрд теңге. Оның 7-уі – ауылшаруашылық, екеуі – өнеркәсіп саласына бөлінсе, қалған 2 жоба жүк тасымалдау мен энергетика бағытында іске асырылады. Аясында 3 жарым мыңнан аса адам жұмыспен қамтылмақ. Аудан әкімі 2023 жылы атқарылған жұмыстарда оң серпін байқалып, көп мәселе жүйелі шешімін тапқандығын баспасөз алаңында атап өтті.