Талдықорғанда егіз чемпиондар дауыс берді

2001 жылғы егіз спортшылар Парламент Мәжілісі және мәслихат депутаттары сайлауына қатысып, өз таңдауын жасады. Джиу-джитсу түрінен Азия чемпионы болған Сәрсенұлы Самат пен Санат еліміздің көк байрағын желбіретіп, спорттың осы түрінен Қазақстанды әлем рейтингісінде алға шығарды. Егіз спортшы ата-аналарының сайлаудан қалмайтынын және осы отбасылық дәстүрді өздері жалғастырып, еліміздің жастарының өсіп-дамуына үлкен әсерін тигізетін саяси науқанға дауыстарын беріп, азаматтық борыштарын өтеуді парыздары санайтынын айтады.