Тәуелсіздік құрдастары

Биыл Қазақ елі тəңірі берген Тəуелсіздігінің,
арайлы азаттығының отызыншы жылына қадам
басып отыр. Түп шежіресі сонау ежелгі түркіден
бастау алатын «мың өліп, мың тірілген» қазақ
халқы бағзы заманнан бері қаншама өзінің іргелі
ел, қабырғалы қалпын, салиқалы салтын сақтап
қалғаны – еркіндік сүйгіштік жігерінің, асқақ рухының
арқасы.
Тəуелсіздіктің түйдей құрдастары, əсіресе, 16
желтоқсанда – дəл елдің Тəуелсіздігін жариялаған
күні дүниеге келген өрендер өздеріне жүктелген
жауапкершілік пен мойындарындағы міндеттің
салмағын да, сырын да жақсы түсінетінін
айтты. Ауданымызда аудандық кітапханада ішкі
саясат бөлімінің ұйымдастыруымен Қазақстан
Республикасы Тəуелсіздігінің 30 жыл толу
мерекесіне орай «Тəуелсіздік құрдастары»
атты кездесу ұйымдастырылып, аудандық ішкі
саясат бөлімінің бас маманы Манкибаева Жұпар
Төлеуғазықызы ашып беріп, кездесуге келген
Тəуелсіздік құрдастарын қонақтармен таныстырды.
Тəуелсіздік құрдастарымен өткен кездесуді
ақсақалдар кеңесінің төрағасы Бөкен Қабиұлы
жəне 1986 жылғы желтоқсан көтерілісіне қатысқан
ардагер Мария Нəбиқызы,аудандық жер қатынастар
бөлімінің басшысы жəне тəуелсіздіктің құрдасы
ретінде Исебаев Мадияр Болатұлы, сондай-ақ
жастар ресурстық орталығының маманы Абумəлік
Абылай қатысыты.
РЫСБЕКОВ БӨКЕН ҚАБИҰЛЫ, Ақсақалдар
кеңесінің төрағасы: Тəуелсіздік үшін ақ білектің
күшімен, ақ найзаның ұшымен елін қорғаған
бабалар рухынан қуат алған ызғарлы Желтоқсан
оқиғасы қазақ халқының қасіреті де, қасиеті де
жетерлік тарихына айналды. Иə, Желтоқсан оқиғасы
қаншама ызғарлы естілсе де, жанымызға нұр септі.
Желтоқсан жаңғырығы бізге Тəуелсіздіктің таңын
əкелді.
Қазақ халқының ғасырлар бойы аңсаған
арманы «Қазақстан Республикасының мемлекеттік
тəуелсіздігі туралы» конституциялық заң
қабылданған сол бір тарихи күнде, 1991 жылдың
16-желтоқсан күні жүзеге асты. Дүниеге жаңа
мемлекет – Тəуелсіз Қазақстан келді. Біз өзіміздің
рəміздерімізбен мақтанамыз, Қазақстан Туымен
тұғырлы, Елтаңбасымен еңселі, Əн-ұранымен
айбатты.
Еңсемізді тіктеп, егемен ел атанып, өз алдына
отау тігіп дербес мемлекет атанған Қазақстан
қаншама қиындықтарға жолықса да тастай берік
төзімділіктің арқасында, жалпақ əлемге өзінің
өршіл үнін, өркениетке деген үмітін мойындатты…
Ата-бабаларымыздан мұра болып қалған ұлан￾ғайыр атамекен жеріміз, отарлық жоя алмаған
тіліміз, мəдениетіміз тек қана қазақтың рухының
күштілігімен сақталды.
РЫСБЕКОВА МАРИЯ НƏБИҚЫЗЫ,желтоқсан
көтерілісіне қатысқан ардагер :
1986 жылдың желтоқсанында алаңға шығып,
Кеңес билігіне наразылық көрсеткен жастарды да
қаһарлы империядан сескендірмеген күш те осы
Азаттыққа деген аңсау екені сөзсіз. Шынында да
Желтоқсан көтерілісі азаттық таңы ататын күннің
жақындап қалғанын сездірген оқиға еді. Тарих –
халықтың зердесі. Зердені жалған деректермен,
өтірік ақпаратпен бұрмалап, халықты адастыруға
болмайды. Зерде бүлінеді, сана сүрінеді, жад
былғанады. Жад былғанса, халық мəңгүрттенеді.
Мəңгүрт халық – болашағы жоқ халық. Айтайын
дегеніміз — Желтоқсан ақиқатын əртүрлі саяси
амбицияның, жеке бас ойындарының «құралына»
пайдаланып, бұрмалауға жол берілмеу керек.
Ұлт тарихын ұлықтап, кешегіні бүгінгінің биігінен
зерделеу кезінде ертең өкініш болмауы үшін
біздің де əлемдік озық əдістемелік үлгілерге иек
артқанымыз жөн. [3] 1986 жылғы «Желтоқсан оқиғасы» СССР
жетекшілігіне Михаил Горбачев тағайындалып,
Мəскеу «қайта құру» мен «жариялылық» саясатын
ұстана бастаған кезеңдегі одақ көлемінде болған
алғашқы саяси демонстрациялардың бірі ретінде
тарихта қалды.
Біз қазір өз еркіміз өзіміздің қолдағы, ешкімнің
алдында есеп бермейтін, əлем мойындаған
тəуелсіз мемлекетпіз. Олай болса кез келген
тарихи құбылысқа, соның ішінде Желтоқсан-86
көтерілісіне де тəуелсіз сана тұрғысынан қарап,
ұлттық дүниетаным тұрғысынан таразылап, төл
методологиялық көзқараста саралап, тарихи əділдік
тұрғысынан бағалап, жазуды талап етеміз.
Желтоқсан қозғалысы үш күнмен шектелмейді.
Бұл бүкіл халықтың рухани өміріне əсер етті. Ұлттық
сананы қалыптастырып, ұлттық рухты өсірді. Əлі
де зерттеушілер қозғалыстың түпкі қайнарын, оның
маңызын, əсерін, жалпыұлттық дəрежеде қарауы
керек.
Кездесуде сөз алып Тəуелсіздік құрдастары
ретінде қысқаша сөз сөйледі. Тəуелсіздіктің түйдей
құрдастары, əсіресе, 16 желтоқсанда – дəл елдің
Тəуелсіздігін жариялаған күні дүниеге келген
өрендер өздеріне жүктелген жауапкершілік пен
мойындарындағы міндеттің салмағын да, сырын
да жақсы түсінетінін айтты. Ел сенімін ақтап,
парызына адал болуға шақырды. Сонымен қатар,
Тəуелсіздіктің таңында дүниеге келген перзент
ретінде «тəуелсіздік» сөзінің мағынасы мен
маңызын да біркісідей білетінін тілгетиекетті.
ИСЕБАЕВ МАДИЯР БОЛАТҰЛЫ, ЖЕР
ҚАТЫНАСТАР БӨЛМІНІҢ БАСШЫСЫ: Мен
Тəуелсіздік таңымен бірге тү¬леген ұрпақпын
Тəуелсіздіктің құрдасы атану мен үшін үлкен
мəртебе, бақыт жəне мақтаныш! Тəуел¬сіздіктің
20 жылдығы мерекесінің табалдырығында тұрып,
осындай бірлігі мықты елде туғанымызға қуанамыз.
Егемен еліміз¬дің ертеңіне қызмет етуді мақтаныш
тұтамыз. Туған жердің өркендеуіне үлес қосуды
перзенттік парызым деп есептеймін.
Осы кезден бастап баланың болашақ тұлға,
өз елінің азаматы ретінде негізі қалана бастайды.
Елдің болашағы білімді жастардың қолында екені
анық. Бүгінгі жас — ертеңгі маман. Мен болашақ
жастарға сенемін. Тəуелсіздіктің құрдасы болу
да бір бақыт. Отанымыздың даңқын асыру — біздің
міндетіміз. Тəуелсіздіктің ақ таңында туып өскен
біздер үшін бұл үлкен қуаныш, ұлы мереке. Иə,
Тəуелсіздігіміздің тұғыры биік, Халқымыздың
абырой-беделі асқақтай берсін демекпін.
АБУМƏЛІК АЛИШЕР, жастар ресурстыұ
орталығының маманы: Бүгінде тəуба,
тарихымызды түгендеп, шекарамызды бекіттік.
Еліміз қарыштап дамып келеді. Біздің ендігі
мақсатымыз – тəуелсіздігімізді одан əрі нығайтып,
мəңгілік елімізді көздің қарашығындай сақтауымыз
керек. Біздің тірегіміз – тəуелсіздік, тілегіміз –
тұрақтылық, білегіміз – бірлік. Тəуелсіздікпен
бірге халқымыз Мəңгілік мұраттарға қол жеткізді.
Тəуелсіздік – ең алдымен қазақ халқының
бостандыққа ұмтылған асқақ армандары мен
қайсар рухының жемісі. Сондықтан да біз үшін
Тəуелсіздік күні – ең қастерлі күн. Біз бүгінгі барлық
жетістіктерімізге Тəуелсіздіктің арқасында қол
жеткіздік. Тəуелсіздік – тəңірдің біздің ұрпаққа
берген үлкен бақыты, халқымыздың мəңгілік
құндылығы.Тəуелсіздігіміздің 30жылдық мерейтойы
тұғырлы, баянды болсын! Əрқашан күн сөнбесін!
Тəуелсіз Қазақстанның таңы нұрлы, егемен еліміздің
ұрпағының еңсесі биік болып, көк аспанда қасиетті
көк туымыз мəңгі желбіресін! Қорытынды сөзді
аудандық ішкі саясат бөлімінің бас маманы
Манкибаева Жұпар Төлеуғазықызы сөйлеп,
келген қонақтарға алғысын білдіріп, тəелсіздік
тұғырлы,баянды болуын тіледі. Кеездесу соңы
Əбікен Сарыбаев атындағы мəдениет үйінің
өнерпаздарының концерттік бағдарламасына
ұласты.
АИДА БОЛАТБЕКҚЫЗЫ