Тәуелсіздік-балалардың арманы.

Тəуелсіздік – бабалар аңсауы,
ұрпақтың қолы жеткен киелі кезең.
Тəуелсіздік – таңбасы таста, қаны қара
жердің тамырында жатқан құдіретті
сөз. Еліміз тəуелсіздіктің бесігінде
тербелгелі 30 жыл. Жиырма бес жыл
ішінде Қазақстан етек-жеңін жиып,
шекарасын бекітіп, өз алдына дербес
зайырлы ел болды. Бұл атадан келе
жатқан ұлы жеңістің жемісі. 1991
жылы 16 желтоқсанда егемендігін
алған еліміздің өз президенті, ұлты
мен ұлысы, салты мен дəстүрі,
мəдениеті мен экономикасы болды.
Желтоқсанның желі мен ызғарына
қарсы тұрған жастардың жалынды
рухы мен ерліктерінің арқасында
шаңырағы биік, керегесі кең мемлекет
болып қалыптастық. 1991 жылы ел
тəуелсіздігін алған кезде халық болып
қана қуанған жоқпыз. Қазақ елінің өз
алдына республика болуын қалаған
əрі ең бірінші болып мойындаған
Түркия. Бұл тəуелсіздікті бір ел ғана
емес, бүкіл ел болып қолдайды
деген сөз. Ал іргесі қаланған жаңа
республиканың əрі қарай өмір сүруі
үшін ерен еңбек керек. Ол оның ішкі
жəне сыртқы əлемі, экономикасы,
ақшасы деген секілді көптеген
құндылықтарға келіп тіреледі.
Аталған құндылықтарды жиырма
бес жыл ішінде үлкен мақсатқа
айналдырған еліміз астанасын
да бекітті. Тіпті бүгінде Астана
арман қалаға айналды. Апортына
бүкіл ел сүйсінген Алматының өзін
мəдениет пен əдебиеттің қаласына
айналдырды. Өзінің ішкі туризмі,
теңгесі, ұзын сонар қара жолдары
тарамдалып жатты.
Тəуелсіздік – ащы термен келген
тəтті жеңіс. Төгілген қанның, өлмеген
жігердің отымен келген ұлы күн.
«Тəуелсіздік» деген 11 əріптен
тұратын сөздің мағынасы қандай
терең, астары қандай кең десеңізші!Ол
өлең, ол əн, ол сұлулық, ол асқақ
арман, ол шалқыған дəулет, көркейген
сəулет! Бір ғана сөз бейбітшілік,
бақыт, сəттілік, достық, сыйластыққа
жетелейді, жаныңа жылылық пен
дербестікті ұялатады.Шыңын мəңгі
қар басқан биік таулары, сарқырай
аққан өзендері, мөлдір сулы көлдері,
шет-қиыры көзге көрінбейтін жазық
далалары,қойнауында ұлан-асыр
кен байлықтары тасып жатқан қуатты
өлке, құт-мекеннің мəртебесі жоғары,
тұғыры биік. Солай дей отырсақ та
бүгінгі таңдағы əлем мойындаған
Қазақстанмен еркіндікті аңсаумен
бодандықтан болған Қазақстанды
салыстыру қиын.
Қазақ халқының іргесі сөгіліп,
бірлігі мен ынтымағы кетпеуі жолында
дала заңгерлері Төле би, Қазыбек би,
Əйтеке билер тер төкті. «Бірлік бар
жерде тірлік бар», «Бірлігі жоғары елді
жау алмайды» деген қазақ халқының
мақалдары да халқымыздың қашан
да жұмыла бірлесіп ел тізгінін өзгеге
бермегеніне дəлел бола алды.
1991 жылы еліміздің басшысы
Қазақстан Республикасының
тұңғыш президенті болып
Нұрсұлтан Назарбаев сайланып,
еліміздің шынайы тарихының
ақтаңдақ беттері ашылды,егемен
ел азаматтарының құқықтарын ,
мемлекет заңдарын анықтайтын
Конституция қабылданды. Əлем
елдері тізімінде жаңа мемлекеттің
аты жазылды. Қаншама жылдар
бойына тəуелсіздікті армандап келген
ата бабаларымыздың асқақ арманы
орындалды. «Тарихты жеңген
жазады»дейді емес пе, ендеше
біздің ғасырлар бойы күрескен
жеңісіміз көрінді. Ұлттық валютасы,
əнұраны, туы жəне елтаңбасының
пайда болуыкөгінде қыран еркін
шарықтаған Қазақстанның ешкімге
бағынышты емес екенін дəлелдеді.
Тіл ұлт қасиетін айқындайтын белгі,
ұлттық салт-сана өзегі емес пе?
Осыны ескерген көреген Елбасымыз
мемлекеттік тілді қазақ тілі деп бекітті.
Тəуелсіздік алуымыздың арқасында
қаншама жыл бойы езгіге түскен ана
тіліміз қайта жаңғырды.
Мен ұстаз ретінде Тəуелсіз елдің
ұрпағын тəрбиелеп жүргенімді мақтан
тұтамын жəне елімнің ертеңіне
сенемін.
ЗУЛЬФИЯ САЛИМОВА
Сарыөзек орта мектебінің орыс
тілі пəнінің мұғалімі