Көптің көңілінен шығуда

_{«Егемен Қазақстан» газетінде жарияланған Мемлекет басшысы Қасым-Жомарт Тоқаевтың  «Абай және ХХІ ғасырдағы Қазақстан» атты ұлы ақын Абай Құнанбаевтың 175 жылдығына орай  жазылған мақаласы жарық көрді. «Ұлттық болмыстың үлгісі» атты бөлімінде «Жаңғыру – өткеннен қол үзіп, тек жаңа құндылықтарға жол ашу деген сөз емес. Шын мәнінде, бұл – ұлттық мұраларымызды бүгінгі оң үрдістермен үйлестіре дамытуды көздейтін құбылыс. бұл ретте біз Абайды айналып өте алмаймыз.  Себебі, ұлы ойшыл осыдан бір ғасырдан астам уақыт бұрын ұлтты жаңғыруға, жаңаруға, жаңа өмірге бейім болуға шақырған» дей келе, біз де ұлтты Абайша сүюді үйренуіміз керек, хакім Абайдың еңбектерінің нәрін өскелең ұрпақтың санасына сіңіру және өмірлік азығына айналдыру – ұлтты жаңғыртуға жол ашатын маңызды қадамның бірі деп атады.}    

_{«Жаңа қоғамның жанашыры» деген бөлімде «Абай өлеңдеріндегі «Еңбек етсең ерінбей, Тояды қарның тіленбей», «Тамағы тоқтық, Жұмысы жоқтық, Аздырар адам баласын», «Өзіңе сен, өзіңді алып шығар, Еңбегің мен ақылың екі жақтап» — деген қазыналы ойларының әр адам баласының осы түйінді тұжырымдарды санасына берік тоқып, өзінің адал еңбегімен айналасына үлгі болуы керектігін, бүгінгі күні еселі еңбектің еліміздің экономикасын ілгерілетуге тікелей ықпал ететінін түсінуі қажет дейді.}

_{Президентіміз Қасым-Жомарт Кемелұлының Абай мұрасы мен оның арманы, өсиет-өнегесі қазақ елін биіктерге жетелейтінін айта келе, қорытындылаған мақаласы көптің көңілінен шығуда. Ұлы ғұлама ақынымыз, данышпан Абай атамыздың өзі сүйген ел-жұрты оның рухына тағзым етеміз.}

_{Лаура ҮШКЕМПІРҚЫЗЫ,}

_{Доланалы негізгі мектебі МДШО-ның тәрбиешісі.}