Ұрпақ тәрбиесі – маңызды міндет

Ұрпақ тәрбиесі – маңызды міндет

Қазақстанның жарқын болашағы – сапалы білім. Өйткені білім ғана жетістікке жетудің және экономикалық дамудың басты құралы боп саналады. Ұрпақ тәрбиелеу – аса үлкен жауапкершілікті талап етсе, осы міндет ұстаздар қауымына жүктелмек.

Осы орайда Тәуелсіздік сарайында өткен республикалық тамыз кеңесіне мемлекет басшысы Қасым-Жомарт Тоқаевтың қатысуы, ұстаздар қауымына қатысты келелі мәселелерді көтеруі біздер үшін қауымы үшін жақсы жаңалық болды. Президентіміз болашаққа жол сілтейтін ұстаздар еңбегін лайықты бағалау өте маңызды екенін айта келіп, үш аусыммен оқытуды жоюды, жаңа мектептер салуды, үш тілде білім беруге бірден емес, біртіндеп көшуді тапсырды.

Сонымен қатар, оқушыларға білім берумен қатар ғылымға тәрбиелеуді баса айттып, мұғалімдерді кәсіби қызметіне жаттайтын, жөнсіз жұмыстарға араластыруда тоқтатуды міндеттеді.

Жаңа жылдан күшіне енетін «Педагог мәртебесі туралы» Заң ұстаздар қауымы үшін жақсылықтардың, игілікті істердің бастамасы болады деп сенеміз.

Ләззат ҚОЛДАСБАЕВА,

Шұбар орта мектебінің қазақ тілі және әдебиет пәнінің мұғалімі

Пікір

Тамыз кеңесінің биылғы отырысында Президент Қасымжомарт Тоқаевтың білім беру мәселесіне қатысты ауқымды мәселелері қаралды. Балабақшадағы алты жасар баланы мамыр айында шығармай, тамыз айына дейін ұзарту тәжірибесінің енгізілетіні, мектепке дейінгі ұйым педагогтарының біліктілігін арттыру мен 30-50 пайыздық үстемемен жалақыны өсіру жүйесін мектепке дейінгі сала қызметкерлеріне енгізу жоспарда тұрғаны біздерді, балабақша қызметкерлерін қуантуда. Тәрбиешінің еңбегі қызықты да, қуанышты болғанымен, қиындықтары да баршылық.  «Педагог мәртебесі туралы» Заң қаңтар айынан бастап күшіне енетін болса, ұстаздар және тәрбиешілер қауымының көкейлеріндегі алаңдаушылық жойылады деп сенеміз.

Лаура Касенова,

Доланалы негізгі мектебі, МДШО тәрбиешісі.