Мемлекеттік қызметшіге тән қасиет — әдептілік

«Мемлеттік қызметші — мемлекеттік қызметтің айнасы болып табылады. Олар әдеп нормаларын сақтауға және оны іске асыруға барынша міндетті. Әрбір мемлекеттік қызметші мемлекеттік органдарға нақты сенімді арттыру үшін бағытталған іс-шараларды жүргізудің маңыздылығын және әртүрлі заңбұзушылықтарға, мемлекеттік қызметте тәртіпсіздік пен теріс қылықтардың алдын алу шараларының маңыздылығын ескеру қажет» деген аудан әкімі аппаратының жетекшісі Туматаев Ақниет Тұрысбекұлы отырыстың мән-жайымен таныстырды. Жиынға Алматы облыстық кәсіпкерлер палатасының директоры, Әдеп жөніндегі кеңесінің мүшесі Әбілшайықов Нариман Бақтыбайұлы және аудандық мәслихат аппараты, бөлім басшылары мен мемлекеттік қызметшілер қатысты.
Сөз Алматы облыстық кәсіпкерлер палатасының директоры, Әдеп жөніндегі кеңесінің мүшесі Әбілшайықов Нариман Бақтыбайұлына берілді.
— Құрметті жиынға қатысушылар, Кербұлақ ауданы әкімдігінің қызметкерлері, кездесуге хош келдіңіздер. 2018 жылдың мамырында әдеп жөніндегі кеңестің отырысы өтіп, 39 мәселе қаралды. Оның ішінде 42 тәртіптік іс қарастырылған болатын. Жалпы айтатын болсақ, 39 тұлғаға тиісті тәртіптік жазалар қолданылды. Оның ішінде мемлекеттік қызметке кір келтіріп, тәртіптік теріс қылықтары үшін тоғыз қызметкер, ал мемлекеттік қызметшінің әдеп кодексін бұзғаны үшін отыз қызметкер жауапқа тартылған, үш іс тоқтатылды. Сонымен қатар, әкімдер мен өзге де басшылар қызметтік тәртіпті нығайту, сыбайлас жемқорлықтың алдын алумен қызметтік әдеп нормаларын бұзуының профилактикасына бағытталған шараларды жүзеге асыру бойынша әдеп жөніндегі кеңеспен 36 ұсыным енгізіліп, барлығы қазіргі таңда орындалды. Әдеп жөнінде берілген 75 ұсынымның барлығы 100 пайызға орындалды. Стратегиялық көрсеткіш республика бойынша 87 пайызды құрап отыр. Әдеп жөніндегі кеңестің жұмысы туралы бейнеролик дайындалып, агенттікке жолданды. Аталған ролик Жетісу телеарнасында және көптеген әлеуметтік желілерде орналасқан. Жалпы осы аталмыш мерзімде әдеп жөніндегі кеңестің мүшелері мен бұқаралық ақпарат құралдарында 157 жарияланым шықты. Телерадиода 35, газеттерде 81 және интернет агенттіктерде 40 бағдарлама орналасты. 2018 жылға арналған мемлекеттік қызметтегі әдептілік деңгейін көтеруге бағытталған кешенді жоспарды орындау бойынша жүргізілген жұмыстар туралы ақпарат келесідей баяндалады. Мемлекеттік қызметтегі әдептілік деңгейін көтеруге бағытталған кешенді жоспарды орындау мақсатында департаментпен 620 мемлекеттік қызметкерді қамти отырып, 30 жергілікті атқарушы органдармен ананимді сауалнама жүргізілді. Сауалнама қорытындысы бойынша мемлекеттік органдардың мемлекеттік қызмет саласында заңнаманы сақтау бойынша қызметіне талдау жасалды. Оның нәтижесінде, 8 мемлекеттік органда 113 қызметкер жүйелі түрде жұмыс уақытынан тыс істелетін жұмысқа тартылатыны туралы хабардар етті. Оның себебі, жоғары мемлекеттік органдардың шұғыл тапсырмалары болып табылады. Бұл жағдай Әдеп жөніндегі кеңестің отырысында талқыланып, нақты ұсыныстар берілді. Еңбек құқықтарын сақтау бойынша жүргізілген шаралар нәтижесінде он бес мемлекеттік қызметкерді қайта даярлау және біліктілігін арттыру курсына жолдау арқылы олардың құқықтары қалпына келтірілді. Талдықорған қаласында мемлекеттік қызметшілердің Жастар спорт кешеніне тегін баруына мүмкіндік жасалып, бүгінгі таңда 265 адам жаттығуда. №2 қалалық емханасында мемлекеттік қызметшілерге және оның отбасы мүшелеріне медициналық көмек көрсету бойынша жұмыс жүргізіліп жатыр. Қазіргі уақытта 653 мемлекеттік қызметкер осы емханаға тіркелген. Әлеуметтік қорғау шаралары бойынша мемлекеттік қызметшілердің 33 пайызы тұрғын үйге мұқтаж, оның 9,4 пайызы тұрғын үймен қамтамасыз етілді. Мемлекеттік қызметкерлерге жылына 4-5 пәтер беріледі. Тұрғын үйге мұқтаж қызметкерлердің барлығын пәтермен қамтамасыз ету жеткіліксіз болып табылады. Осыған байланысты бұл мәселені шешу үшін Әдеп жөніндегі кеңесте мемлекеттік органдардың басшыларына коорпоративтік тұрғын үй мәселесін қарастыру қазіргі таңда ұсынылып отыр. 2018 жылғы оқу жоспарына сәйкес мамыр айымен қыркүйек айының аралығында қайта даярлау және біліктілігін арттыру курстарына келген мемлекеттік қызметшілердің арасында оқыту сабақтары өткізіліп, аяқталды. Әдеп жөніндегі кеңестің мүшелерінің жеке қабылдауларында 103 адам болып, 31 адамның құқықтары қалпына келтірілді. Мемлекеттік автокөлік құралдарын қызметтен тыс уақытта пайдаланушылардың лауазымын және асыра пайдалану фактілерін анықтау және олардың алдын алу мақсатында жергілікті полиция қызметімен бірге бес рейдтік шара өткізілді. Нәтижесінде құқық бұзушылықтың 12 фактісі анықталып, мемлекеттік органдардың басшыларына тиісті шара қолдану үшін хат жолданды. Аталған ұсынылымдарды қарау нәтижесінде тәртіптік жауапкершілікке 7 тұлға тартылды, олардың ішінде 6 ескерту, 1 сөгіс берілген,-дей келе, Кербұлақ ауданындағы мәселелер жөнінде, оның ішінде архитектура, ауылшаруашылық, кәсіпкерлік бөлімдеріне кемшіліктерді болдырмау бойынша заң жүзінде жұмыс жүргізу керектігін айтты. Залдан түскен түрлі сұрақтарға тұшымды жауап берді.
Аудан әкімі аппаратының басшысы Ақниет Тұрысбекұлы Әбілшайықов Нариман Бақтыбайұлына біздің ауданға келіп, түсіндірме жұмыстар жүргізгеніне алғыс айтып, жиынды қорытындылады.
Айнаш ҚАСЕНОВА.